खत्री खेलकुद पत्रकारिता पुरस्कारबाट सम्मानित

काठमाडौ (हाम्रो खेलकुद) – कमल खत्री खेलकुद पत्रकारिता पुरस्कार २०७७ बाट आइतबार सम्मानित भएका छन् । युवा तथा खेलकुद मन्त्रालयले खेल पत्रकार खत्रीलाई खेलकुद पत्रकारिता पुरस्कारसँगै नगद ५० हजार रुपैयाले पुरस्कृत गरेको हो ।

यस्तै अन्य आठ खेलकुद पत्रकार खेलकुद पत्रकारिता प्रोत्साहन पुरस्कारबाट सम्मानित भएका छन् । जसमा प्रदेशतर्फ प्रदेश–१ का हिमाल खरेल, प्रदेश–२ का रन्जनकुमार भण्डारी, बागमती प्रदेशका अनिल मल्ल ठकुरी, लुम्बिनी प्रदेशबाट माधवप्रसाद अर्याल, लुम्बिनी प्रदेशबाट मुक्तिबाबु रेग्मी, कर्णाली प्रदेशबाट भुपेश उपाध्याय र सुदूरपश्चिमबाट सिताराम ओझाले खेलकुद पत्रकारिता प्रोत्साहन पुरस्कार प्राप्त गरेका छन् । प्रदेश १ खरेल हाम्रो खेलकुद डटकममा आबद्ध छन् ।

महिलातर्फ राष्ट्रिय समाचार समितिकी मुना कार्की खेलकुद पत्रकारिता प्रोत्साहन पुरस्कारबाट पुरस्कृत भइन् । उनीहरु सबैले समान २५–२५ हजार प्राप्त गरे । सम्मानित सबैलाई युवा तथा खेलकुद मन्त्री दावा लामाले पुरस्कृत गरे ।