काठमाडौं (हाम्रो खेलकुद) – सरकारको योजना अन्तर्गत छाटो समयको प्रशिक्षणको लागि प्राविधिक शिक्षा तथा व्यवसायिक तालिम परिषद (सिटिईभिटी) ले पहिलो पटक कोर्षको आयोजना गरेको छ ।

योगको पाठ्यक्रमलाई विद्यालयस्तर देखि शुरु गरे लगत्तै योग सम्बन्धि दक्ष जनशक्ति निर्माण तथा योग उद्यमशिलताको विकासलाई लक्षित गरी सिटिभिटीले प्रशिक्षण सुरु गरेको बताइएको छ ।
योग तथा खेलकुदको माध्यमबाट जीवनस्तर उकास्ने उद्देश्यका साथ २०६३ सालमा स्थापित खेलकुद प्रर्वद्धन संस्था नेपालले सञ्चालन गरेको तालिमको मंगलबार उद्घाटन गरिएको छ ।

कार्यक्रममा योगका विज्ञहरु नेपालमा नाथ योगमा विद्यावारधी गरेका डा. टि.पि. धमला, डा.क्षितिज बाराकोटी, डा. आनन्द गैरे, डिभाईन योगका सञ्चालक एवं योगाचार्य राजकुमार कार्की, काठमाण्डौ जिल्ला खेलकुद विकास समितिका अध्यक्ष अरुण बस्नेत, थापागाउँ टोल सुधार समितिका अध्यक्ष दिपक थापालगायतको उपस्थिति थियो ।

सरस्वति पूजाको दिन थापागााृउँ टोलसुधार समितिको भवनमा हुने तालिम योगका विज्ञहरुको उपस्थितिमा गर्न पाउनु महत्वपूर्ण भएको संस्थाका अध्यक्ष पुष्करराज पन्तले बताए ।
संस्थाले खेलकुद, योग, स्वस्थ जीवनशैली, स्वास्थ आहार विहारका विषयमा लामो समय देखि प्रशिक्षण दिदै आएको पन्तले जनाए ।

डा. धमलाले तालिमले सरकारी क्षेत्रमा योगको विधामा जागिरको अवसर प्राप्त गर्न तथा योगको सही ज्ञान हासिल गर्न तालिम महत्वपूर्ण हुने बताए । ३ सय ९० घन्टा आधारभूत तालिममा कार्यक्रममा १५ जना प्रशिक्षार्थी सहभागी छन् ।