कीर्तिमान धावक वैकुण्ठ मानन्धरलाई पत्नीशोक

काठमाडौं (हाम्रो खेलकुद) – कीर्तिमानी म्यारथान धावक वैकुण्ठ मानन्धरलाई पत्नी शोक परेको छ । मानन्धर पत्नी शुभन्द्रा मानन्धरको को ६८ वर्षको उमेरमा बुधबार स्टार अस्पतालमा राती ९ः०० बजे निधन भएको परिवार सदस्यले जानकारी दिए ।

महिना दिन अघिबाटै निमोयिनाबाट पीडित मानन्धरलाई झन्डै २ साताअघि अस्पताल भर्ना गरिएको थियो । उनको बिहीबार टेकु दोभानमा अन्तिम संस्कार गरिएको थियो । मानन्धर दम्पतीका २ छोरा र २ छोरी छन् ।

दक्षिण एसियाली खेलकुद (साग) का तीन पटकका स्वर्ण पदक विजेता वैकुण्ठ मानन्धरले म्याराथनमा राखेको २ घन्टा १५ मिनेट ०३ सेकेन्डको कीर्तिमान अझै कुनै खेलाडी तोड्न सकेको छैन ।

सन् १९८७ मा भारतको कोलकातामा भएको सागमा उनले त्यो कीर्तिमान राखेका थिए । मानन्धरले ४ पटक ओलम्पिकमा देशको प्रतिनिधित्व गरेका थिए ।