हाम्रो खेलकुदकर्मी बोहोरा पुरस्कृत

काठमाडौं (हाम्रो खेलकुद)– पाँचथरका हाम्रो खेलकुद डटकमका संवाददाता दिपक बोहोरा स्व. प्रजापति जालपादेवी नेपाल खेलकुद पत्रकारिता पुरस्कार २०७७ बाट पुरस्कृति भएका छन् ।

नेपाल पत्रकार महासंघ जिल्ला शाखा पाँचथरको शुक्रबार भएको साधारण सभाका दौरान बोहोरालाई सम्मान गरिएको हो । भौतिक पूर्वाधार तथा यातायात मन्त्री बसन्तकुमार नेम्बाङले बोहोरालाई सम्मान पत्रसहित १० हजार रुपैयाँ हस्तान्तरण गरेका थिए ।

८ वर्षदेखि पत्रकारिता गर्दै आएका बोहोरा बोहोरा हाम्रो खेलकुद डटकमको स्थापनाकालबाटै पाँचथर संवाददाताका रुपमा कार्यरत छन् । पुरस्कृत भएपछि बोहोराले भने,‘ पत्रकारले पुरस्कारका लागि भनेर कर्म गर्दैन । तर व्यवसायिक संगठनले मुल्याङ्कन गर्दै दिएको पुरस्कारले व्यवसायिक खेल पत्रकारिताका अझै राम्रो गर्नका लागि थप हौसला मिलेको बताए ।’