बंगलादेशमा पुष्पाले जितिन् म्याराथनमा स्वर्ण

काठमाडौं (हाम्रो खेलकुद)– धाविका पुष्पा भण्डारीले बंगलादेशमा भएको शेख मुजाहिदिन दक्षिण एसियाली म्याराथनको उपाधि जितेकी छिन् ।

बंगलादेशमा आइताबर भएको म्याराथनमा पुष्षले २ घन्टा ५९ मिनेट ४१ सेकेन्डमा पूरा गर्दै पहिलो स्थान हासिल गरेकी एथलेटिक्सका मुख्य प्रशिक्षक चन्द्र गुरुङले जानकारी दिए । सो विधामा भारतीय खेलाडीले रजत र कास्य पदक जितेका थिए ।

पुष्पा १३ औं दक्षिण एसियाली खेलकुद (साग) को म्याराथनतर्फकै रजत पदक विजेता हुन् । पुष्पाले गत महिना धारा नेपालगन्ज म्याराथनको हाफ म्याराथनमा स्वर्ण पदक विजेता हुन् ।

दक्षिण एसियाली म्याराथनको पुरुषतर्फ भने १३ औं सागका स्वर्ण पदक विजेता किरणसिंह बोटगी चौथो भएका छन् । त्यसमा भारतीय खेलाडीले स्वर्ण, रजत र कास्य पदक जितेका छन् ।

मुख्य प्रशिक्षक गुरुङका अनुसार किरणको पनि पदकको आशा गरिएको तर दौड सुरु भएको केहि समयै उनले खुट्टामा दुखाई महसुस गरेकोले सोचे जस्तो परिणाम आउन नसकेको बताएका छन् ।