default_image

4 years ago

January 5, 2021

पल्सर स्पोर्टस अवार्डको ४ विधाको मनोनयन सार्वजनिक- गौरिका, मण्डे र सुवासले २ वटा अवार्डमा प्रतिस्पर्धा गर्ने

253 views

0 Bookmark

काठमाडौं (हाम्रो खेलकुद) – पल्सर स्पोर्टस अवार्ड २०७६ को अन्तर्गत वर्षका उत्कृष्ट पुरुष, महिला र युवा खेलाडीको मनोनयनमा पर्नेमा सबै १३ औं दक्षिण एसियाली खेलकुद (साग) का स्वर्ण पदक विजेता छन् ।

गत वर्ष मंसिरमा स्वदेशमा आयोजना भएको १३ औं सागमा टोलीलाई दिलाएको सफलताका आधारमा प्रशिक्षकको मनोनयन भएको छ । नेपाल खेलकुद पत्रकार मञ्चले अर्को साता आयोजना गर्ने १७ औं संस्करणको अवार्डका लागि मंगलबार विभिन्न ४ विधा वर्षका उत्कृष्ट खेलाडी पुरुष, महिला, युवा र प्रशिक्षकको मनोनयन सार्वजनिक गरेको छ । सबै विधामा समान ५ जनाको मनोनयन भएको छ ।

सागका चार स्वर्ण पदक विजेता पौडी गौरिका सिंह, दाहोरो स्वर्ण पदक विजेता गल्फका सवास तामाङ र कराते मण्डेकाजी श्रेष्ठ समान २ विधाको मनोनयमा परेका छन् । सुवास वर्षका उत्कृष्ट पुरुष र युवा विधाको मनोनयनमा परेका छन् । उत्कृष्ट महिलाको मनोनयनमा परेकी गौरिका र उत्कृष्ट पुरुषतर्फको मनोनयमा परेका मण्डे पिपुल्स च्वाईस अवार्डको मनोनयनमा यसअघि नै परेका थिए ।

मञ्चका सचिव गोविन्द रेग्मीको संयोजकत्वमा रहेको ११ सदस्य खेलाडी छनोट समितिले सार्वजनिक गरेको मनोनयनमा बर्षका उत्कृष्ट पुरुष खेलाडीमा करातेका मण्डे, सुबाससँगै एथलेटिक्सका गोपीचन्द्र पार्की, तेक्वान्दोका कमल श्रेष्ठ र फुटबलका विकेश कुथु छन् ।

त्यस्तै उत्कृष्ट महिला खेलाडीमा गौरिकासहित, एथलेटिक्सकी सन्तोषी श्रेष्ठ, तेक्वान्दोकी आयशा शाक्य, ट्रायथलनकी सोनी गुरुङ र करातेकी अनु अधिकारी छन् । बर्षका उत्कृष्ट युवा खेलाडीमा सुवासका साथ तेक्वान्दोकी सिना लिम्बु मादेन, तेक्वान्दोकै भुपेन श्रेष्ठ, जुडोकी पुनम श्रेष्ठ र भारोत्तोलनकी सञ्जु चौधरी मनोनयनमा छन् ।

आ आफ्नो खेलबाट टोलीलाई सफलता दिलाउने तेक्वान्दोका नवीन श्रेष्ठ, करातेका मदन उप्रेती, उसुका अमर कुमार थिङ, पौडीका शंकर कार्की र बक्सिङका प्रकाश थापामगर वर्षको उत्कृष्ट प्रशिक्षकको मनोनयमा परेका छन् ।

गौरिका र मण्डेसँगै पिपुल्स च्वाइस विधाको मनोनयनमा भलिबलकी अरुणा शाही, बास्केटबलकी सदिना श्रेष्ठ र फुटबलकी सावित्रा भण्डारी परेका थिए । मनोनयनमा परेका खेलाडीको उत्कृष्टताको छनोट इ–सेवा मार्फत एसएमएम भोटिङ, फेसबुक लाईक, खेलकुद पत्रकार मञ्चका सदस्य र राष्ट्रिय संघका मुख्य प्रशिक्षकको भोटको आधारमा गरिनेछ मञ्चले जनाएको छ ।

अवार्ड पुस २८ गते ललितपुरको सातदोवाटो स्थित कराते हलमा सेमि भर्चुअल हुने घोषणा यसअघि नै मञ्चले गरिसकेको छ । मञ्चले विभिन्न १० विधामा अवार्ड दिनेछ । पल्सर स्पोर्ट्स अवार्डमा पिपुल्स च्वाइस, बर्षका उत्कृष्ट खेलाडी पुरुष, महिला, युवा, प्रशिक्षकसँगै, पारा एथलिट, स्पेशल, लाइफटाइम एचिभमेन्ट , एकजना अन्तर्राष्ट्रिय खेल पत्रकारको घोषणा कार्यक्रमकै दिन हुने बताइएको छ ।

मञ्चका सचिव रेग्मी संयोजक रहेको खेलाडी छनोट समितिमा अन्जन खड्का, निरन्जन राजवंशी, प्रजित शाक्य, सुजन श्रेष्ठ, सुवास हुमागाईं, अनिल मल्लठकुरी, कुशल तिमल्सिना, गोविन्दराज नेपाल, निशान राई र मोती अमगाई सदस्य छन् । समितिले २०७६ सालमा भएका राष्ट्रिय तथा अन्तर्राष्ट्रिय प्रतियोगितामा खेलाडीको प्रदर्शन तथा हात पारेको नतिजाको आधारमा मनोनयन गरिएको जनाएको छ ।

यस बर्षदेखि पारा एथलिट अवार्डलाई ‘पारा एथलिट सम्मान’को नाम राखिएको जनाएको छ । वर्षका उत्कृष्ट खेलाडी पुरुष, महिला, प्रशिक्षक र पिपुल्स च्वाइस बिधाका विजेताले पल्सर मोटरसाइकल प्राप्त गर्नेछन् । अन्य विधाका विजेताले जनही ५० हजार रुपैयाँ सहित गिफ्ट पाउनेछन् ।

अवार्डलाई हंशराज हुलासचन्द एण्ड कम्पनी प्रालिले मुख्य प्रायोजन गरेको छ । डिस मिडिया नेटवर्क लिमिटेडको सहकार्यमा हुने कार्यक्रमको अन्य प्रायोजकहरूमा सूर्य नेपाल प्रालि, रुस्लान फुटबल, इ–सेवा, केल्मी, टर्किस एयरलाइन्स, होटल क्राउन प्लाजा, रोयल सिंगी होटल, इमेजिङ नेपाल, राष्ट्रिय खेलकूद परिषद र नेपाल ओलम्पिक कमिटि रहेको मञ्चले जनाएको छ ।

January 27, 2025

अस्ट्रेलियामा रविन सर्वोत्कृष्ट

सिड्नी (हाम्रो खेलकुद) – नेपाली पुरुष राष्ट्रिय भलिबल टोलीका सदस्य रविन चन्द ठकुरी दोस्रो अजी फाइनान्स गोर्खा कप पुरुष तथा भेट्रान्स पुरुष भलिबल प्रतियोगिता २०२५ मा सर्वाेत्कृष्ट खेलाडी घोषित भएका छन् । म्याग्दी प्रवासी नेपाली संघ (मोना) अस्ट्रेलियालाई च्याम्पियन बनाउन सानदार प्रदान गरेका उनी प्रतियोगिताकै सर्वाेत्कृष्ट खेलाडी घोषित भएका हुन् । विभागीय नेपाल पुलिस क्लबबाट […]

January 27, 2025

मोना अस्ट्रेलियालाई दोहोरो भलिबल उपाधि

सिड्नी (हाम्रो खेलकुद) – म्याग्दी प्रवासी नेपाली संघ (मोना) अस्ट्रेलियाले सिड्नीमा भएको दोस्रो अजी फाइनान्स गोर्खा कप पुरुष तथा भेट्रान्स पुरुष भलिबल प्रतियोगिता २०२५ मा दोहोरो उपाधि जितेको छ । मोना अस्ट्रेलिया खुल्ला तथा भेट्रान्स पुरुष भलिबल प्रतियोगिता दुवैमा च्याम्पियन बन्दै दोहोरो उपाधि जित्न सफल भएको हो । नेपाली राष्ट्रिय टोलीका सदस्य रविन चन्द ठकुरीसम्मिलित […]

January 25, 2025

गोर्खा कप भलिबलको तयारी पूरा

सिड्नी (हाम्रो खेलकुद) – अष्ट्रेलियाको सिड्नीमा आयोजना हुने दोस्रो अजी फाइनान्स गोर्खा कप पुरुष तथा भेट्रान्स पुरुष भलिबल २०२५ को तयारी पूरा भएको छ । आयोजक दि गोर्खा स्पोर्ट्स क्लबका अध्यक्ष दिपेन्द्र राईले प्रतियोगिताको सम्पूर्ण तयारी पूरा भएको जानकारी गराएको छ । एक दिने प्रतियोगिता २६ जनवरी (आइतवार) लिडकमस्थित ओवर्न बास्केटबल सेन्टरमा हुनेछ । प्रतियोगितामा […]

Success

Thank you for your time.