4 years ago
December 7, 2020
काठमाडौं (हाम्रो खेलकुद)– चन्द्रबदना राई नेपालबाट पहिलो अन्तर्राष्ट्रिय महिला भलिबल रेफ्री बनेकी छन् । फेडेरेसन अफ इन्टरनेसनल भलिबल (एफआइभिबी) ले राईलाई अन्तर्राष्ट्रिय रेफ्री क्यान्डिडेटबाट अन्तर्राष्ट्रिय रेफ्रीमा बढुवा भएको एफआइभीबीको वेभसाइटमा उल्लेख छ ।
राई अन्तर्राष्ट्रिय भलिबल रेफ्रीमा बढुवा भएको एफआइभीबीको वेभसाइटमा उल्लेख भएपनि संघलाई आधिकारिक रुपमा पत्र आउन बाँकी रहेको नेपाल भलिबल संघका महासचिव जितेन्द्र बहादुर चन्दले बताए ।
यससँगै तीन जना नेपाली अन्तर्राष्ट्रिय रेफ्री भएका छन् । एक साताअघि मात्रै कुल बहादुर राना आधिकारिक अन्तर्राष्ट्रिय रेफ्रीमा बढुवा भएका थिए । यसअघि नेपालबाट गौतम लासिवामात्र एक्लो अन्तर्राष्ट्रिय भलिबल रेफ्री थिए ।
एफआइभिबीको बोर्डले नोभेम्बरको सुरुवातमै राना र राईलाई अन्तर्राष्ट्रिय भलिबल रेफ्रीमा बढुवा गरेको उल्लेख गरेको छ । राईले सन् २०१४ मा थाइल्यान्डमा एसियन च्यालेन्ज कपमा म्याच खेलाउनुको साथै कोर्स गरेकी थिइन् ।
अन्तर्राष्ट्रिय रेफ्रीमा बढुवा हुनका लागि एसियन गेम्स वा एसियन च्याम्पियनसिप अथवा एभीसीको कम्तीमा दुई आधिकारिक खेलहरु खेलाउनुपर्ने प्रावधान छ । अन्तर्राष्ट्रिय रेफ्री क्यान्डिडेटको अवधि पाँच वर्षसम्म हुने र ५ वर्षभित्र अन्तर्राष्ट्रिय रेफ्री बनिसक्नुपर्ने नभए खारेज हुने व्यवस्था छ ।
नेपालमा पुर्ण प्रसाद चौलागाईं, बिकास गुरुङ, टहल सिंह थापा र विजयी केसी गरी चार जना एसियन रेफ्री क्यान्डिडेट छन् । उनीहरुले अन्तर्राष्ट्रिय खेल खेलाउन पाउनेछन् ।
January 19, 2025
काठमाडौं (हाम्रो खेलकुद)- नेपाली पुरुष टोली पनि भारतमा भएको खो खो विश्व कपमा दोस्रो भएको छ । दिल्लीस्थित इन्दिरा गान्धी रंगशालामा आइतवार आयोजक भारतसँग ५४-३६ ले पराजित हुँदै नेपाल उप विजेता बनेको हो । समूह चरणमा पनि नेपाल भारतसँग नै पराजित भएको थियो। नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको […]
January 19, 2025
काठमाडौं (हाम्रो खेलकुद) – खो खो विश्वकपको महिलातर्फको फाइनलमा नेपाल घरेलु टोली भारतसँग फराकिलो अन्तरले पराजित हुँदै उपविजेतामा सिमित भएको छ । नेपाल फाइनलमा ७८-४० अन्तरले पराजित भएको हो । दिल्लीस्थित इन्दिरा गान्धी इन्डोर हलमा घरेलु टोलीले पहिलो टर्नदेखि नै दबाब कायम गरेको थियो । पहिलो टर्नमा आक्रमण गर्दै ३२ अंक जोडेको भारतले दोस्रो टर्नमा […]
January 19, 2025
सिड्नी (हाम्रो खेलकुद) – अष्ट्रेलियाको सिड्नीमा अर्काे साता आयोजना हुने दोस्रो संस्करणको अजी फाइनान्स गाेर्खा कप पुरुष तथा भेट्रान्स पुरुष भलिबल २०२५ मा १९ टोलीको सहभागिता रहने भएको छ । दि गोर्खा स्पोट्र्स क्लबको आयोजनामा अर्काे साता (२६ जनवरी) मा हुने दोस्रो संस्करणको प्रतियोगितामा खुल्लातर्फ १४ र भेट्रान्स (३५ वर्षमाथि) ५ गरी १९ टोलीको सहभागिता […]
