कांग्रेस खेलकुद विभाग संयोजक बस्नेतलाई पितृशोक

काठमाडौं (हाम्रो खेलकुद)– नेपाली कांग्रेस खेलकुद विभागका संयोजक मोहनबहादुर बस्नेतलाई पितृशोक परेको छ । मोहनबहादुरका पिता खड्गबहादुर बस्नेतको ८४ वर्षको उमेरमा शुक्रबार बिहान १२ः३० बजे महाराजगन्ज त्रिवि शिक्षण अस्पतालस्थित मनमोहन कार्डियो भास्कुलर एन्ड ट्रान्सप्लान्ट सेन्टरमा मृत्यु भएको थियो ।

लामो समयदेखि नसा सम्बन्धी रोगबाट पीडित बस्नेत तीन दिनदेखि सेन्टरको आइसियूमा उपचार गराइरहेका थिए । बस्नेतको आजै सिन्धुपाल्चोकस्थित बाह्रबिसे दोभानमा अन्तिम संस्कारण गरिने मोहनबहादुर बस्नेतका सहयोगी रामेश्वर आचार्यले जानकारी दिए । बस्नेतका ५ छोरा र ५ छोरी छन् । पूर्व मन्त्री समेत रहेका मोहनबहादुर बस्नेत बाह्रबिसे नगरपालिका वडा नं ४ का स्थायी बासिन्दा हुन् ।

यसैबीच संयोजक बस्नेतलाई पितृ शोक परेपछि कांग्रेसको खेलकुद विभागले शुक्रबारका लागि तय गरेको पत्रकार सम्मेलन अर्को सुचना नभएसम्मका लागि स्थगित गरेको छ । विभागले अन्तर्राष्ट्रिय कराते प्रतियोगितासहित सहित सभापति कप फुटबल, जुडो, भलिबल, तेक्वान्दो, क्रिकेट, उसु, कुस्तीलगायत विभिन्न खेलका राष्ट्रिय प्रतियोगिताको जानकारी दिन पत्रकार सम्मेलनको तयारी गरेको विभागका सचिव मीनकृष्ण महर्जनले जानकारी दिए ।