एथलेटिक्स सहायक प्रशिक्षक राईको निधन

काठमाडौं (हाम्रो खेलकुद) – राष्ट्रिय खेलकुद परिषद् (राखेप) का एथलेटिक्स सहायक प्रशिक्षक रविनकुमार राईको उपचारको क्रममा निधन भएको छ । सल्यान जिल्ला खेलकुद विकास समितिमा कार्यरत ४८ वर्षे सहायक प्रशिक्षक राईको काठमाडौं रिसर्च सेन्टरमा उपचारको क्रममा सोमबार राती निधन भएको थियो । मंगलबार बिहान पशुपति आर्यघाटमा उनको अन्त्यष्टी गरिएको एथ्लेटिक्स प्रशिक्षक धनीराम चौधरीले जानकारी गराए ।

राईको वैशाख पहिलो साता अन्नपूर्ण न्युरो अस्पतालमा ब्रेन ट्युमरको शल्यक्रिया भएको थियो । शल्यक्रियापछि उनलाई क्यान्सर भएको पुष्टि भएको थियो । त्यसपछि उनलाई भक्तपुर क्यान्सर अस्पतालमा रिफर गरिएको थियो । ओरल किमोपछि सुरुवाती महिना राम्रो भएपनि पछिल्लो दुई साताअघि एक्कासी वान्ता भएपछि केही असहज महसुस भएको थियो । दुई दिनअघि श्वास प्रश्वासमा समस्या भएपछि उनलाई काठमाडौं रिसर्च सेन्टरमा पु¥याइएको थियो ।

पशुपति आर्यघाटमा अन्त्यष्टी गरिएपनि उनको परिवारले सल्यानमै गएर काजकिरिया गर्ने प्रशिक्षक चौधरीले बताए । सल्यान खलंगाका राइका श्रीमती दुई छोरी, एक छोरा छन् । उनले छोराले पनि दुवै आँखा देख्दैनन् । २०५२ मा करारमा सहायक प्रशिक्षक नियुक्त भएका थिए । २०६२ मा स्थायी नियुक्ति हुनुपर्ने भएपनि उनी अझै करारमै थिए ।