भैरहवा (हाम्रो खेलकुद) — भैरहवामा शनिबार साइक्लिङ च्याम्पियनसिप आयोजना हुने भएको छ । भैरहवाबाट प्रकाशित न्यूज ओके पत्रिका को पाँचौ वर्ष प्रवेशको अवसरमा सिद्धार्थनगर सिटी साइक्लिङ च्याम्पियनसिप आयोजना गर्न लागिएको आइतबार पत्रकार सम्मेलनमार्फत जानकारी दिइयो ।

रुपन्देहीको सिद्धार्थनगर क्षेत्रलाई खेल पर्यटनको माध्यमबाट पनि चिनाउने उद्देश्यले साइक्लिङ आयोजना गरिएको न्यूज ओके पत्रिकाको प्रकाशन गृह पोर्ट मिडिया प्रालिका अध्यक्ष बिमल सेन्चुरीले बताए । उनले साइक्लिङ मानविय स्वास्थ्य तथा वातावरण मैत्री भएकाले च्याम्पियनसिप आफैमा उत्कृष्ट हुने विश्वास व्यक्त गरे ।

४० किलोमिटरको दूरीमा राखिएको साइक्लिङ सिद्धार्थनगर नगरपालिकाबाट सुरु भई रोहिणी गाँउ पालिका, ओम सतीया गाँउपालिका, तिलोत्तमा नगरपालिका, सियारी गाँउपालिका र मायादेवी गाँउपालिका हँुदै पुन सिद्धार्थनगर पुगेर टुंगिने बताइएको छ ।

भैरहवा क्षेत्रका साथै छिमेकी नगर तथा गाँउपालिकाले प्रतियोगितााम भाग लिन पाउने अध्यक्ष सेन्चुरीले जानकारी दिए । साइक्लिङमा ४५ वर्ष मुनि र ४५ वर्ष माथिका उमेर समूहको अलग अलग प्रतिस्पधाए हुने पोर्ट मिडियाका प्रबन्ध निर्देशक विक्रम मल्लले बताए ।

दौडमा प्राविधिक सहयोगमा साइकल सिटी भैरहवा रहेको छ । साइकल सिटी भैरहवाका अध्यक्ष सूर्य सारु मगरले साइक्लिङ को माध्यमबाट खेल तथा पर्यटनको क्षेत्रमा सिद्धार्थनगरको पहिचान बढ्नुका साथै साइक्लिङमा धेरैको आकर्षण बढ्ने विश्वास लिए । लुम्बिनी प्रेस क्लबका अध्यक्ष दिपेश पछाईले प्रतियोगिता रचनात्मक भएको र यसले रोजगारीका अन्य पाटाहरु पनि श्रृजना गर्ने बताए ।

सिद्धार्थ उद्योग बाणिज्य संघका कार्यवहाक अध्यक्ष ठाकुर कुमार श्रेष्ठले न्यूज ओकेले पत्रिका प्रकाशन गरी निशुल्क पाठक माझ पुरयाएको मात्र नभई नयाँ काम पनि गर्दै आएको सफलताको कामना गरे । साइक्लिङका माध्यमबाट पर्यटन विकासमा समेत टेवा पुग्ने उनको विश्वास छ । प्रतियोगितामा ५० जनाको सहभागित रहने विश्वास गरिएको छ ।

विगत ४ वर्षदेखि निरन्तर रुपमा निशुल्क पत्रिका लिएर आएको यस मिडियाले कोरोनाको महामारीसँगै देशमा गरिएको लकडाउनका कारण आफ्नो प्रकाशनलाई निरन्तरता दिन नपाएको न्यूज आके पत्रिकाका सम्पादक मनोरञ्जन शर्माले बताए । चार महिना प्रकाशन बन्द भएको पत्रिका गत साताबाट पुनः सन्चालनमा आएको छ ।