प्रेम लोकप्रिय विधाको मनोनयनमा

काठमाडौं (हाम्रो खेलकुद)– स्वदेशमा आयोजना भएको १३ औं दक्षिण एसियाली खेलकुद (साग) का पदक विजेता प्रेमबहादुर लिम्बुको पुम्से पहिलो खुला अनलाइन डेडो युरोपियन तेक्वान्दो पुम्से अन्तर्गत सर्वाधिक लोकप्रिय विधाको मनोनयमा परेको छ ।

जर्मनीमा केहि दिन अघि च्याम्पियनसिपको ३० वर्ष मुनिको प्रतिस्पर्धामा सागका अन्य पदक विजेता कमल श्रेष्ठ र जितबहादुर बोटेले पनि प्रतिस्पर्धा गरेका थिए । कमल शीर्ष २२ र प्रेम शीर्ष २४ मा तथा जित ३७ औं स्थानमा रहन सफल भएका थिए ।

फेसबुकमा अपलोड गरिएको मध्य सबैभन्दा बढी दर्शकले हेरेको भिडियोलाई विजेता घोषित गरिने प्रेमका प्रशिक्षक लक्ष्मण ऐर क्षेत्रीले जानकारी दिए । मे २० सम्म सबैभन्दा बढी दर्शकले हेरिने पुम्से विजेता बन्नेछ । सोमबारसम्म १२ हजार भन्दा बढीले प्रेमको भिडियो हेरिसकेका छन् ।

प्रतिस्पर्धीले भिडियो पठाएर प्रतियोगितामा भाग लिएका हुन् । मंसिरमा भएको १३ औं सागमा कमलले पुम्सेमा स्वर्ण पदक तथा जित र प्रेमले कास्य पदक जितेका थिए ।

उनको भिडियो :