लकडाउन २ साता पुग्न लाग्दा राखेपको चासो

काठमाडौं (हाम्रो खेलकुद) – कोडिभ १९ का कारण सरकारले लकडाउन गरेको झन्डै २ साता पुग्न लाग्दा राष्ट्रिय खेलकुद परिषद् (राखेप) ले आफ्ना खेलाडी, प्रशिक्षक, कर्मचारी र संघ संस्थाका पदाधिकारीको बारेमा चासो देखाएको छ ।

राखेपका प्रशासन विभागका प्रमुख कुलबहादुर थापाले लकडाउन भएको ११औं दिनमा आफ्ना मतहतका संघसंस्था तथा सम्पूर्ण कर्मचारी तथा परिवारजनको हालको अवस्था के कस्तो छ ? वुझि विवरण पेश गर्न तथा कुनै कठिनाई परेको खण्डमा सहयोग गर्नु,परिषद्बाट केही गर्नुपरेमा यथासिध्र जानकारी गराउन सबैका लागि अपिल गरेका छन् ।

राखेपले लकडाउनको अवस्थामा धैर्य, संमियमित भई संभव भई आफ्ना भौतिक पूर्वाधारमा वन्ने आइसोलेसन कक्षमा पुर्णरुपले सहयोग गर्नुहुन सबैमा अपिल गरेको छ । राखेपले लकडाउन अघि नै खेलकुदका सबै गतिविधि रोक्न सम्बन्धित सबैलाई निर्देशन दिएको थियो ।

सरकारले पहिलो पटक चैत ११ देखि १८ गते सम्म लकडाउन गरेको थियो भने दोस्रो पटक बढाएर चैत २५ गते सम्म पुर्याएको छ । नेपालमा अहिले सम्म ५ जना कोरोना भाइरस पोजेटिभ देखिएका छन् । विश्वव्यापी रुपमा यो महामारीले व्यापक असर गरिरहेको छ । विश्वमा ५० हजार भन्दा बढी यसका कारण मृत्यु भइसकेको छ भने १० लाख बढीमा संक्रमण देखिएको छ ।