टोकियो ओलम्पिकको मिति तय

एजेन्सी – जापानमा अर्को वर्ष आयोजना हुने ओलम्पिकको मिति तय भएको छ । यो वर्ष आयोजना हुनुपर्ने ओलम्पिक विश्वव्यापी रुपमा कोरोना भाइरस कोभिड १९ महामारीका रुपमा देखिएपछि ओलम्पिक एक वर्षका लागि सारिएको थियो ।

नयाँ मिति अनुसार सन् २०२१ को जुलाई २३ देखि अगष्ट ८ सम्म आयोजना हुनेछ । अन्तर्राष्ट्रिय ओलम्पिक कमिटी (आइओसी) को सोमबार बसेको बोर्ड बैठकले मिति तय गरेको हो ।

ओलम्पिक अर्को वर्ष आयोजना हुने भएपनि त्यसको नाम भने टोकियो २०२० नै रहने यसअघि नै बताइएको थियो । त्यसै अनुसार पाराओम्पिक गेम्सको मिति पनि तय भएको छ । पारा ओलम्पिक अगष्ट २५ देखि सेप्टेम्बर ५ सम्म हुने पक्का भएको छ ।

अकल्पनिय चुनौतीबाट गुज्रनु परेको स्मरण गर्दै आइओसीका अध्यक्ष थोमस बाचले टोकियो २०२० को आयोजक समिति, टिकियो महानगरपालिका र जापान सरकारले ओलम्पिकका आयोजनाका लागि संयुक्त प्रयास गर्नेमा आफु विश्वस्त रहेको बताएका छन् ।