नेपालगन्ज (हाम्रो खेलकुद) – विभागीय त्रिभुवन आर्मी क्लबले छैटौ संस्करणको प्रधानमन्त्री कप अन्तर्राष्ट्रिय आमन्त्रण महिला भलिबल प्रतियोगितामा तेस्रो स्थान हात पारेको छ ।

आर्मीले होङ्ग्वान्जी न्यु डायमन्ड स्पोर्ट्स क्बललाई सोझो सेटमा पराजित गर्दै तेस्रो स्थान हासिल गरेको हो ।

नेपालगन्जस्थित कभर्डहलमा बुधबार भएको खेलमा खेलमा आर्मीले पहिलो सेट २५–२ज्ञ ले आफ्नो पक्षमा पारेको थियो । खेलको सुरुवात देखि नै अग्रता लिएको आमीलाई डायमन्डले पूनरागमन गर्दै १८–१८ को बराबरीमा ल्याउन सफल भएको थियो । त्यसपछि लय गुमाएको डायमन्डले बाँकी ३ अंक जोड्दा आर्मीलाई नतिजा सुम्पिएको थियो ।

दोस्रो सेट प्रतिस्पर्धात्मक बनेपनि आर्मीले २५–२० को जित निकाल्न सफल भयो । तेस्रो सेटमा सुरुबाटै पछि परेपनि डायमन्डले टक्कर दिएपनि नतिजा आफ्नो पक्षमा पार्न नसक्दा आर्मीलाई २५–२० ले नतिजा सुम्पियो ।

तेस्रो स्थान हात पारेको आर्मीले ५० हजार रुपैया हात पारेको छ । आजै उपाधिका लागि दुई विभागीय टोली नेपाल एपिएफ क्लब र नेपाल पुलिस क्लबबीच प्रतिस्पर्धा हुदैछ ।

यि दुई टोली पछिल्लोपटक तेस्रो पटक फाइनल खेल्न लागेका हुन् । काठमाडौंमा भएको ढोरपाटन महिला डबल लिगमा यि दुई टोलीले फाइनल सरहकै खेलमा प्रतिस्पर्धा गरेका थिए । त्यसपछि दुई साता अघि पर्वतमा सम्पन्न दिदी बहिनी कपको फाइनलमा पनि यि दुई टोली भिडेका थिए । जसमा एपिएफ सफल भएको थियो ।

प्रतियोगिताको विजेताले २ लाख रुपैया हात पार्नेछ । दोस्रो हुनेले १ लाख रुपैया तथा तेस्रो हुनेले ५० हजार प्राप्त गर्ने छ । प्रतियोगिताको सर्वोत्कृष्ट खेलाडीले २५ हजार रुपैयाँ प्राप्त गर्नेेछन् ।

बाँके जिल्ला भलिबल संघद्धारा गत आइतबारबाट शुरु भएको प्रतियोगितामा घरेलु भलिबलका चार चर्चित टोलीसँगै आयोजकको एक टोली गरी ५ टोलीको सहभागिता रहेको थियो ।