काठमाडौं (हाम्रो खेलकुद)– राष्ट्रिय भलिबल खेलाडी मानबहादुर श्रेष्ठलाई आफ्नो नगरपालिका कावासोतीबाट सम्मानित भएका छन् । मंसिरमा स्वदेशमा आयोजना भएको १३ औं दक्षिण एसियाली खेलकुद (साग) मा बीच भलिबलमार्फत देशको प्रतिनिधित्व गरेको भन्दै कावासोतीले उनलाई नगरसहित कदर पत्रले सम्मान गरेको हो ।

तर, हाल राष्ट्रिय भलिबल टोलीको बन्द प्रशिक्षमा रहेका कारण उनले कार्यक्रममा भने आफु उपस्थित हुन नसकेको बताए । उनको तर्फबाट मामा माइजुले सम्मान ग्रहण गरेका थिए । कावासोती वडा नं ३ का स्थायी बासिन्दा मानबहानुरलाई नगरपालिकाले १० हजार १ सय २५ रुपैयाँ समेत प्रदान गरेको थियो ।

नगरस्तरीय राष्ट्रपति रनिङ शिल्ड प्रतियोगिताका अवसरमा शनिबार उनलाई सम्मान गरिएको हो । त्रिभुवन आर्मी क्लबका समेत महत्वपूर्ण सदस्य रहेको मानबहादुर नेपाली पुरुष भलिबल टोलीले एभिसी सेन्ट्रल च्याम्प्यिनसिपका कास्य पदक जित्दा त्यसको सदस्य थिए । नेपालले पुरुष भलिबल टोलीले अन्तर्राष्ट्रिय पदक जितेको त्यो एकमात्र पदक हो ।अहिले पनि नेपाली टोली सेन्ट्रल जोनको लागि प्रशिक्षणमा व्यस्त छ । जसमा मानबहादुर पनि समेटिएका छन् ।

१३ औं सागमा नेपालका पुरुष र महिला टोलीले भलिबल र बीच भलिबलमा प्रतिस्पर्धा गरेको थियो । तर, नेपालको महिला टोलीले मात्र रजत पदक जित्न सक्यो । महिला टोलीले पहिलो पटक सागको फाइनल खेल्दै रजत पदक जितेको थियो ।