काठमाडौं (हाम्रो खेलकुद)– विभागिय टोली नेपाल पुलिस क्लब पुरुष क्लब भलिबल च्याम्पियनसिपको सेमिफाइनलमा पुगेको छ । नयाँ बजार सामाजिक क्लबलाई ३–० को सोझो सेटमा हराउँदै पुलिस अन्तिम चारमा पुगेको हो ।

त्रिपुरेश्वरस्थित राष्ट्रिय खेलकुद परिषद्को कभर्ड हलमा बुधबार भएको खेलमा पुलिसले नयाँ बजारलाई २५–११,२५–९ र २५–१२ ले हराएको थियो ।

यसअघि आजैका अन्य खेलमा विजयी हुँदै दुई विभागगिय टोली त्रिभुवन आर्मी क्लब र एपिएफ पनि सेमिफाइनल पुगिसकेका छन् । एपिएफले बुद्ध टोललाई २५–१८,२५–१७ र २५–११ ले हराएको थियो ।

आर्मीले मणिमुकुन्द भलिबल क्लबलार्य लाई २५–१९,२५–१८ र २५–१७ ले हराएको थियो । रुषतर्फका अन्तिम क्वार्टरफाइनल खेल आजै हुनेछन् ।

नेपाल भलिबल संघ (एनभिए) को आयोजना तथा राष्ट्रिय वाणिज्य बैंक (आरबिबी) को मुख्य प्रायोजनमा जारी प्रतियोगिताको यो पाँचौं संस्करण हो । महिलातर्फ भने आज कुनै खेल छैनन् । पुरुष र महिला दुवैतफैको सेमिफाइनल बिहीबार र फाइनल शनिबार हुनेछन् ।

महिलातर्फको सेमिफाइनलमा साविक विजेता नेपाल एपिएफ र नेपाल पुलिस क्लब तथा होंगान्जी न्यू डायमण्ड स्पोर्टस् क्लब र त्रिभुवन आर्मी क्लबबीच प्रतिस्पर्धा हुनेछ ।

प्रतियोगिताका दुवैतर्फका विजेताले २ लाख, दोस्रो हुने टोलीले १ लाख र तेस्रो टोलीले ५० हजार रुपैयाँ प्राप्त गर्नेछ । त्यस्तै दुवैतर्फका सर्वोत्कृष्ट खेलाडीले समान २५ हजार पाउनेछन् । विधागत उत्कृष्टले समान १० हजार रुपैयाँ पाउनेछन् ।

पुरुष क्लब च्याम्पियनसिपका आज हुने बाँकी क्वार्टरफाइनलख खेल

• हेल्प नेपालविरुद्ध बुलबुले रारा