काठमाडौं (हाम्रो खेलकुद) – त्रिभुवन आर्मी क्लबको महिला टोलीले पनि आरबिबी एनभिए क्लब च्याम्पियनसिपमा विजयी सुरुवात गरेको छ । च्याम्पियनसिपको दोस्रो दिन शनिबार आर्मीले भरतपुर नगरपालिकालाई ३–० को सोझो सेटमा हराएको हो ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्ड हलमा आर्मीले भरतपुलिाई २५–८,२५–२० र २५–१० मा हराएको हो । समूह एअन्तर्गतनै आज भएको पहिलो खेलमा साविक विजेता जावलाखेल भलिबल प्रशिक्षण केन्द्रलाई २५–४,२५–८ र २५–८ ले हराएको थियो ।

च्याम्यिनसिपमा पहिलो दिन शुक्रबा समूह बीको खेलमा होंगान्जी न्यू डायमण्ड क्लबले नेपाल पुलिस क्लबलाई प्रतिस्पर्धात्मक खेलमा ३–२ ले हराएको थियो । पहिलो दिन पुरुषतर्फ त्रिभुवन आर्मी क्लब र नेपाल एपिएफ क्लब विजयी भएका थिए ।

च्याम्पियनसिपमा पुरुषतर्फ ११ र महिलातर्फ ७ टोलीको सहभागिता रहेको छ । पुरुषतर्फको समूह एमा साविक विजेता आर्मी , आरजी र नयाँ बजार सामाजिक क्लब छन् । एपिएफ, बुलबुले र जावलाखेल भलिबल प्रशिक्ष केन्द्र समूह ‘बी’ तथा नेपाल पुलिस क्लब , मणिमुकुन्द भलिबल क्लब र पार्वती भलिबल क्लब समूह ‘सी’ मा छन् । समूह डीमा हेल्प नेपाल र बुद्धटोल रहेका छन् ।

राउन्ड रोविन लिगपछि समूहका शीर्ष दुई टोली क्वार्टरफाइनलमा पुग्नेछन् । महिलातर्फ दुई विभागिय टोली साविक विजेता नेपाल एपिएफ क्लब, आर्मी, जावलाखेल र भरतपुर महानगर समूह ‘ए’ तथा न्यु डायमण्ड स्पोर्टस क्लब, पुलिस र ढोरपाटन स्पोर्टस्स क्लब अर्को समूहमा छन् । राउन्ड रोविनपछि समूहका शीर्ष दुई टोली सेमिफाइनल पुग्नेछन् ।

प्रतियोगिताका दुवैतर्फका विजेताले २ लाख, दोस्रो हुने टोलीले १ लाख र तेस्रो टोलीले ५० हजार रुपैयाँ प्राप्त गर्नेछ । त्यस्तै दुवैतर्फका सर्वोत्कृष्ट खेलाडीले समान २५ हजार पाउनेछन् । विधागत उत्कृष्टले समान १० हजार रुपैयाँ पाउनेछन् ।