5 years ago
January 16, 2020
काठमाडौं (हाम्रो खेलकुद)– आरबिबी एनभिए राष्ट्रिय महिला तथा पुरुष भलिबल क्लब च्याम्प्यिनसिप सुरु हुनुअघि नै हेल्प नेपाल स्पोर्टस क्लब र बुद्ध टोल भलिबल क्लब पुरुषतर्फको क्वार्टरफाइनलमा पुगेका छन् ।
नेपाल भलिबल संघको आयोजनामा शुक्रबार सुरु हुने च्याम्पियनसिपको लागि बिहीबार भएको खेल तालिका टेक्निकल मिटिङमा पुरुषतर्फको समूह डीमा हेल्प नेपाल र बुद्ध टोलमात्र रहेकोले दुवै टोली खेल्नुअघि नै अन्तिम आठमा पुगेका हुन् । अब यी दुई टोलीबीचको खेल समूह विजेताका लागि हुनेछ ।
त्रिपुरेश्वरस्थित राष्ट्रिय खेलकुद परिषद् (राखेप) कभर्ड हलमा सुरु हुने च्याम्पियनसिपमा पुरुषतर्फ ११ र महिलातर्फ ७ टोलीको सहभागिता रहेको छ । पुरुषतर्फको समूह एमा साविक विजेता त्रिभुवन आर्मी क्लब, आरजी भलिबल ग्रुप र नयाँ बजार सामाजिक क्लब छन् ।
एपिएफ, बुलबुले रारा क्लब र जावलाखेल भलिबल प्रशिक्ष केन्द्र समूह ‘बी’ तथा नेपाल पुलिस क्लब , मणिमुकुन्द भलिबल क्लब र पार्वती भलिबल क्लब समूह ‘सी’ मा छन् । राउन्ड रोविन लिगपछि समूहका शीर्ष दुई टोली क्वार्टरफाइनलमा पुग्नेछन् ।
महिलातर्फ दुई विभागिय टोली साविक विजेता नेपाल एपिएफ क्लब, आर्मी, जावलाखेल र भरतपुर महानगर समूह ‘ए’ तथा न्यु डायमण्ड स्पोर्टस क्लब, पुलिस र ढोरपाटन स्पोर्टस्स क्लब छन् । राउन्ड रोविनपछि समूहका शीर्ष दुई टोली सेमिफाइनल पुग्नेछन् ।
पहिलो दिन शुक्रबार तीन खेल हुने संघले जनाएको छ । पुरुषतर्फ बिहान ९ः३० बजे आर्मी र आरजी तथा एपिएफ र बुलबुलेबीच बिहान ११ः३० बजे प्रतिस्पर्धा हुनेछ । महिलातर्फ हुने एकमात्र खेल न्यू डायमण्ड र पुलिसबीच दिउँसो १ः३० बजे हुनेछ ।
प्रतियोगिताका दुवैतर्फका विजेताले २ लाख, दोस्रो हुने टोलीले १ लाख र तेस्रो टोलीले ५० हजार रुपैयाँ प्राप्त गर्नेछ । त्यस्तै दुवैतर्फका सर्वोत्कृष्ट खेलाडीले समान २५ हजार पाउनेछन् । विधागत उत्कृष्टले समान १० हजार रुपैयाँ पाउनेछन् ।
माघ १० गतेसम्म चल्ने प्रतियोगिताको महिला र पुरुष दुवैको विजेताले २ लाख पुरस्कार पाउने छन् । यस्तो दोस्रोले १ लाख र तेस्रोले ५० हजार पाउने छन् । लिग चरणका खेलका लागि १ सय , सेमिफाइन्लका लागि १ सय ५० र फाइनलका लागि २ सय रुपैयाँ टिकट तोकिएको संघले जनाएको छ ।
माघ १० गते सम्म चल्ने प्रतियोगिताका सहभागी टोलीले ३ जना सम्म विदेशी खेलाडी राख्न पाउने प्रावधान छ । राष्ट्रिय वाणिज्य बैंकको मुख्य प्रायोजना हुने क्लब च्याम्पियनसिपको यो पाँचौं संस्करण हो ।
November 27, 2024
काठमाडौं (हाम्रो खेलकुद)- नेपाल च्याम्पियन राजन सुवेदी र सुश्रुत दाहाल सिंगापुरमा हुने अन्तर्राष्ट्रिय खुल्ला रेटिङ बुद्धिचाल प्रतियोगितामा भाग लिन त्यसतर्फ प्रस्थान गरेका छन् । नेपाल बुद्धिचाल महासंघका अनुसार प्रतियोगिता मंसिर १४ देखि २२ गतेसम्म हुनेछ। राजन २४ औं राष्ट्रिय बुद्धिचाल प्रतियोगिताका विजेता र सुश्रुत तेस्रो हुन् । उनीहरुलाई महासंघका कोषाध्यक्ष ताराबहादुर रानाभाटले आज त्रिभुवन अन्तर्राष्ट्रिय विमानस्थलमा बिदाइ […]
November 27, 2024
काठमाडौं (हाम्रो खेलकुद)- नेपाली खेलाडीले थाइल्याण्डको चियाङ–माइमा हुने इलाइट पुरुष तथा महिला बक्सिङ च्याम्पियनसिपमा भाग लिने भएका छन्। ४ खेलाडीसहित ६ सदस्यीय नेपाली टोली बिहीवार त्यसतर्फ प्रस्थान गर्नेछ । नोभेम्बर ३० देखि डिसेम्बर १२ तारिखसम्म हुने प्रतियोगितामा समान २–२ पुरुष/महिला खेलाडीले नेपालको चुनौती प्रस्तुत गर्ने छन् । पुरुष ४८ केजीमा लालप्रसाद उप्रेती र ५१ केजीमा […]
November 27, 2024
काठमाडौं (हाम्रो खेलकुद) – तोरण विक्रम शाहीले सूर्य नेपाल सेन्ट्रल ओपनको तेस्रो दिन बुधवार १-अन्डर ७१ स्कोर गरे। समग्रमा ५६ होलको समाप्तीमा ११-अन्डर २ सय ५ सहित एमेच्योरद्वय सदभाव आचार्य र राहुल विकेलाई ४ स्ट्रोकले पछि पारे। अन्तिम १८ होलको खेल बाकी छँदा ४ स्ट्रोकको अग्रतामा तोरणले उपाधि जित्ने संभावनालाई बलियो बनाएका छन्। तेस्रो दिनको […]
