ललितपुर(हाम्रो खेलकुद)– चन्द्रागिरि नगरपालिका र ललितपुर महानगरपालिका महानगर कप भलिबल अन्तर्गत महिलातर्फको उपाधिका लागि चन्द्रागिरी नगरपालिका र ललितपुर महानगरपालिका प्रदेश ३ स्तरीय महानगर कप महिला तथा पुरुष भलिबल प्रतियोगिताअन्तर्गतको महिलातर्फ फाइनलमा भिड्ने भएका छन् ।

जावलाखेल भलिबल प्रशिक्षण केन्द्रमा बुधबार भएको पहिलो सेमिफाइनलमा विदुर नगरपालिका नुवाकोटलाई ३–० को सेटमा पराजित गर्दै चन्द्रागिरी उपाधि नजिक पुगेको हो । एकपक्षीय खेलमा चन्द्रागिरीले विदुरलाई २५–१४, २५–१५ र २५–९ को सोझो सेटमा हरायो ।
बुधबारै ललितपुरले गोकर्णेश्वर नगरपालिकालाई २५–१३, २५–१३ र २५–१६ को सोझो सेटमा जित निकाल्दै फाइनलमा चन्द्रागिरीसँगको फाइनल भेट पक्का गरेको हो ।

चन्द्रागिरी र ललितपुरले समूह चणमा पनि प्रतिपर्धा गरेका थिए । जसमा चन्द्रागिरी ३–२ को सेटमा विजयी हुन सफल भएको थियो । महिलातर्फ गोकर्णेश्वरले विदुरलाई पराजित गर्दै तेस्रो स्थान हात पा¥यो । यस्तै पुरुषतर्फको सेमिफाइनल समीकरण पुरा भएको छ । पुरुषतर्फको सेमिफाइनलमा चौतारा र महालक्ष्मी तथा ललितपुर र कमलामाइबीच खेल हुनेछ ।

ललितपुर महानगरपालिकाको आयोजनामा जारी प्रतियोगितामा पुरुषमा १३ र महिलामा ८ टिमले प्रतिस्पर्धा गरिरहेका छन् । प्रतियोगिताको विजेताले २ लाख, उपविजेताले १ लाख र तेस्रोले ५० हजार पाउनेछन् । यस्तै, चौथोले २५ हजार पाउने तथा सेमिफाइनलमा पुग्ने टिमले १५–१५ हजार पाउनेछन् । सर्वोकृष्ट खेलाडीले १० हजार रुपैयाँ व्यक्तिगत विधातर्फ स्पाइकर, ब्लकर, सेटर, डिफेन्स, सर्भर र प्रशिक्षकले जनही ५–५ हजार पाउनेछन् ।