5 years ago
January 7, 2020
काठमाडौं (हाम्रो खेलकुद)– साविक विजेता नेपाल एपिएफ क्लब र त्रिभुवन आर्मी क्लब होङ्गान्जी न्यु डायमण्ड खुला महिला भलिबल प्रतियोगिताको एकै समूहमा परेका छन् । ७ टोलीको सहभागितामा ढोरपाटन स्पोर्टस् क्लबको गोगंबु बसपार्क नजिक रहेको कार्टमा मंगलबार सुरु हुने प्रतियोगिता पुस २६ गते सम्म चल्नेछ ।
आयोजक न्यु डायमण्ड क्लबले मंगलबार राखेको टेक्निकल बैठकमा खेल तालिका सार्वजनिक हुँदा एपिएफ, आर्मीका साथ समूह ‘ए’मा पारामाउन्ड इङ्लिस बोडिङ स्कुल र पोखराको टप्स माविक रहेका छन् । त्यस्तै समूह ‘बी’मा आयोजक एवंम् साविक उप विजेता न्यु डायमण्ड स्पोर्टस क्लबसहित ढोरपाटन स्पोर्टस् क्लब र नेपाल पुलिस क्लब रहेका छन् ।
लिग कम नकआउटका आधारमा हुने खेलपछि समूहका शीर्ष २ टोली सेमिफाइनल पुग्नेछन् । प्रतियोगितामा कुल १३ खेल हुने आयोजकले जनाएको छ । प्रशिक्षणले मात्रै भलिबल विकासमा पुर्णता पाउने नदेखिको उल्लेख गर्दै न्यु डायमन्डले दुई वर्ष अघिदेखि राष्ट्रिय स्तरको प्रतियोगिता आयोजना गर्दै आएको छ ।
मुख्य प्रायोजक होङ्गान्जी बौद्ध समाज नेपाल रहेको प्रतियोगिताको विजेताले ४ लाख १ हजार १ रुपैयाँ , दोस्रो हुने टोलीले ३ लाख १ हजार १ सय रुपैयाँ प्राप्त गर्नेछ । तेस्रो हुनेले टोलीले १ लाख ५१ हजार १ सय १ रुपैया तथा चौथो हुनेले ५१ हजार १ सय १ रुपैयाँ प्राप्न गर्नेछ । प्रतियोगिताको सर्वोत्कृष्ट खेलाडीले २१ हजार १ सय १ रुपैया प्राप्त गर्नेछन् । व्यक्तिगत विधातर्फ स्पाइकर, ब्लकर, क्विकर, सेटर, सर्भर, डिफेन्डर र प्रशिक्षकले जनही ७ हजार १ सय १ रुपैयाँ पाउनेछन् ।
तेस्रो पुरस्कार रकम मुक्तिनाथ बिकास बैंकले प्रायोजन गरेको छ । चौथो पुरस्कार निलगिरी युथ क्लब टुकुचे मुस्ताङले प्रायोजन गरेको बताइएको छ । ब्ल्याक हर्स सुज इन्ड्रस्ट्रिज, चन्द्रागिरी नगरपालिकाका १३, १५, ११, १२, ८, ५, ७ र ९ वडाहरु, दर्शन मोनिका ट्रान्सपोर्ट प्रालि, होस्टे हैसै सहकारी, चन्द्रागिरी हिल्स्, तपाई हाम्रो बहुउद्देश्यीय सहकारी संस्था, हनुमान सहकारी, स्रोता फाइनान्स, फेवा पब्लिक स्कुल, ज्ञानसुधा एकेडेमी, माता मनकामना सप्लायर्सले प्रतियोगितामा सहयोग गरेका छन् ।
त्यस्तै न्यु मुक्तिनाथ इन्टरप्राइजेज, ह्वाइट ब्रिज इन्टरनेसनल प्रालि, ग्रेस इन्टर प्राइजेज, समृद्धि ट्रेड इन्टरनेसनल र एसियन इन्टरनेसनल विजनेस प्रालि, सञ्चराम तामाङ, नरेन्द्र राई, भीमसेन कार्की, प्रकाश शाही,कृष्ण बहादुर अधिकारी, बुद्ध गुरुङलगायतले सहयोग गरेको न्यु डायमन्डले जनाएको छ ।
January 21, 2025
काठमाडौं (हाम्रो खेलकुद)- भारतमा सम्पन्न खो खो विश्व कपमा ऐतिहासिक रजत पदक जितेको नेपाली महिला र पुरुष टोली स्वदेश फर्केको छ। त्रिभुवन अन्तर्राष्ट्रिय विमानस्थलमा सोमवार नेपाली टिमलाई बाजा गाजा सहित भव्य स्वागत गरियो। युवा तथा खेलकुद मन्त्रालयका सचिव हरि प्रसाद लम्साल, राष्ट्रिय खेलकुद परिषद (राखेप) का उपाध्यक्ष ध्रुव आचार्य, सदस्य सचिव टंकलाल घिसिङ, परिषदका सदस्य, […]
January 19, 2025
काठमाडौं (हाम्रो खेलकुद)- नेपाली पुरुष टोली पनि भारतमा भएको खो खो विश्व कपमा दोस्रो भएको छ । दिल्लीस्थित इन्दिरा गान्धी रंगशालामा आइतवार आयोजक भारतसँग ५४-३६ ले पराजित हुँदै नेपाल उप विजेता बनेको हो । समूह चरणमा पनि नेपाल भारतसँग नै पराजित भएको थियो। नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको […]
January 19, 2025
काठमाडौं (हाम्रो खेलकुद) – खो खो विश्वकपको महिलातर्फको फाइनलमा नेपाल घरेलु टोली भारतसँग फराकिलो अन्तरले पराजित हुँदै उपविजेतामा सिमित भएको छ । नेपाल फाइनलमा ७८-४० अन्तरले पराजित भएको हो । दिल्लीस्थित इन्दिरा गान्धी इन्डोर हलमा घरेलु टोलीले पहिलो टर्नदेखि नै दबाब कायम गरेको थियो । पहिलो टर्नमा आक्रमण गर्दै ३२ अंक जोडेको भारतले दोस्रो टर्नमा […]
