काठमाडौं (हाम्रो खेलकुद) – नेपाली राष्ट्रिय पुरुष भलिबल टिम तथा विभागीय त्रिभुवन आर्मी क्लबका स्पाइकर मानबहादुर श्रेष्ठसम्मिलित गुडिस स्पोर्ट्स क्लबले माल्दिभ्सको राष्ट्रिय भलिबल लिगमा विजयी शुरुवात गरेको छ ।

फाइल फोटो

माल्दिभ्सको मालेस्थित कभर्डहलमा बुधबारभएको खेलमा मानबहादुर सम्मिलित गुडिस स्पोर्ट्स क्लबले स्पोर्ट्स क्लब हक्सलाई ३–० को सोझो सेटमा पराजित गर्दै विजयी शुरुवात गरेको हो । एकपक्षीय खेलमा मानबहादुरको टोलीले २५–१५, २५–१७ र २५–१९ को जित निकाल्यो ।

मानबहादुर यही लिगमा लागि मंगलबार राति मात्रै माल्दिभ्स प्रस्थान गरेको थियो । बुधबार बिहान मात्रै माल्दिभ्स पुगेको मानबहादुरले पहिलो खेलमा नै उच्च प्रदर्शन गरेका थिए ।

अब गुडिस स्पोर्ट्स क्लबले दोस्रो खेलमा शुक्रबार दिहेवी सिफेंगे क्लबको सामना गर्नेछ । मानले यसअघि २०१८ मा स्पोर्टस् क्लब सिटीबाट खेलेका थिए । माल्दिभ्स भलिबल लिगमा सहभागी टिमले दुई विदेशी खेलाडी राख्न पाइने प्रावधान अनुसार मानबहादुर गुडिसमा आबद्ध भएका हुन् । माल्दिभ्सको लिग डिसेम्बर २५ देखि जनवरी १२ सम्म चल्नेछ ।

पछिल्लो समय नेपाली महिला तथा पुरुष खेलाडीको माल्दिभ्समा माग बढ्दो छ । एक साता अघि मात्रै नेपाली महिला राष्ट्रिय टोलीकी सदस्य प्रतिभा माली र सरस्वती चौधरीले पनि माल्दिभ्सको राष्ट्रिय महिला लिग भलिबल खेलको थियो ।

प्रतिभा सम्मिलित पुलिस क्लब च्याम्पियन बन्दा सरस्वती चौधरी सम्मलित टोली भने तेस्रो भएको थियो । त्यसअघि मन्जु गुरुङ, अरुणा शाही र कोपिल ाउप्रतीले पनि माल्दिभ्सको लिग भलिबल खेलेका थिए ।