5 years ago
December 24, 2019
काठमाडाैं (हाम्राे खेलकुद) – नेपाली राष्ट्रिय पुरुष भलिबल टिम तथा विभागीय त्रिभुवन आर्मी क्लबका स्पाइकर मानबहादुर श्रेष्ठले माल्दिभ्सको भलिबल लिग खेल्ने भएका छन् ।
माल्दिभ्समा बुधबार देखि सुरु हुने लिगमा मानबहादुले गुडिस स्पोर्ट्स क्लबबाट खेल्ने भएकाे हाम्राे खेलकुदलाई जानकारी गराए । लिगका लागि मानबहादुर आजै त्यसतर्फ प्रस्थान गर्दैछन् । उनकाे टाेलीले बुधबारै स्पाेर्ट्स क्लब हक्सविरुद्व खेल्दैछ ।
महिला राष्ट्रिय टोलीकी सदस्य प्रतिभा मालि महिला भलिबल लिगमा भाग लिएर सोमबार स्वदेश फर्केकी थिइन् । उनी सम्मिलित टोली पुलिस क्लबले लिग जितेकोको थियो । राष्ट्रिय टोलीकी अर्की सदस्य सरस्वती चौधरी सम्मलित टोली भने तेस्रो भएको थियो ।
उनले यसअघि २०१८ मा स्पाेर्टस् क्लब सिटीबाट खेलेका थिए । माल्दिभ्स भलिबल लिगमा सहभागी टिमले दुई विदेशी खेलाडी राख्न पाइने प्रावधान अनुसार मानबहादुर गुडिसमा आबद्ध भएका हुन् । माल्दिभ्सको लिग डिसेम्बर २५ देखि जनवरी १२ सम्म चल्नेछ ।
दुई साता अघि स्वदेशमा सम्पन्न १३ औं दक्षिण एसियाली खेलकुद( साग) मा उनले बिच भलिबल टोलीबाट देशको प्रतिनिधित्व गरेका थिए । १३ औं सागको छनोटका रुपमा रहेको आठौं राष्ट्रिय खेलकुद मा खेल्न नपाएपछि उनी फुल कोर्टको लागि छनोट हुन असफल भएका थिए ।
वैशाखमा नेपालगन्जमा आठौं सुरु भएको केहि दिनमा मात्र उनी स्वदेश फर्केका थिए । तर, उनै क्लब त्रिभुवन आर्मीले उनलाई आठौं खेलाएन । पछि बिच भलिबलमा छनोट खेलमा भाग लिँदै उनी सागको टोलीमा परेका थिए ।
January 21, 2025
काठमाडौं (हाम्रो खेलकुद)- भारतमा सम्पन्न खो खो विश्व कपमा ऐतिहासिक रजत पदक जितेको नेपाली महिला र पुरुष टोली स्वदेश फर्केको छ। त्रिभुवन अन्तर्राष्ट्रिय विमानस्थलमा सोमवार नेपाली टिमलाई बाजा गाजा सहित भव्य स्वागत गरियो। युवा तथा खेलकुद मन्त्रालयका सचिव हरि प्रसाद लम्साल, राष्ट्रिय खेलकुद परिषद (राखेप) का उपाध्यक्ष ध्रुव आचार्य, सदस्य सचिव टंकलाल घिसिङ, परिषदका सदस्य, […]
January 19, 2025
काठमाडौं (हाम्रो खेलकुद)- नेपाली पुरुष टोली पनि भारतमा भएको खो खो विश्व कपमा दोस्रो भएको छ । दिल्लीस्थित इन्दिरा गान्धी रंगशालामा आइतवार आयोजक भारतसँग ५४-३६ ले पराजित हुँदै नेपाल उप विजेता बनेको हो । समूह चरणमा पनि नेपाल भारतसँग नै पराजित भएको थियो। नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको […]
January 19, 2025
काठमाडौं (हाम्रो खेलकुद) – खो खो विश्वकपको महिलातर्फको फाइनलमा नेपाल घरेलु टोली भारतसँग फराकिलो अन्तरले पराजित हुँदै उपविजेतामा सिमित भएको छ । नेपाल फाइनलमा ७८-४० अन्तरले पराजित भएको हो । दिल्लीस्थित इन्दिरा गान्धी इन्डोर हलमा घरेलु टोलीले पहिलो टर्नदेखि नै दबाब कायम गरेको थियो । पहिलो टर्नमा आक्रमण गर्दै ३२ अंक जोडेको भारतले दोस्रो टर्नमा […]
