दिपक न्यौपाने,बुटवल

काठमाडौंका सविन तामाङले राजु लामा स्मृति खुला स्कुकर प्रतियोगिताको उपाधि जितेका छन् । राजन लामालाई आइतबार पराजित गर्दै सविन च्याम्पियन बनेका थिए । न्यु क्लब थर्टिनको आयोजनामा भएको प्रतियोगिताको फाइनलमा सविनले राजनलाई ६–३ ले हराएका थिए ।

कपन निवासी १९ बर्षीय सविनले अन्र्तराष्ट्रिय स्तर प्रतियोगितामा भाग लिइसकेका खेलाडीलाई हराउँदै फाइनल यात्रा तय गरेका थिए ।नेपालका नम्बर वान बुटवलका रेगन श्रेष्ठले पनि पनि प्रतियोगितामा भाग लिएका थिए । तर, उनीसहित अन्य चर्चित खेलाडीले सेमिफाइनल सम्मको यात्रा पनि तय गर्न सकेनन् ।

सविनले उपाधिसहित ५० हजार रुपैयाँ प्राप्त गरे । राजनले २५ हजार रुपैयाँ प्राप्त गरे । सेमिफाइनल पुगेका कसिस क्षेत्री र बुटबलका सुजन पुनले समान ५ हजार प्राप्त गरे । प्रतियोगितामा हाइएष्ट ब्रेक राजन लामाले १५ हजार रुपैयाँ प्राप्त गरे । सागर पुन र निशेष सिलवाल प्रतियोगिताको उदयमान खेलाडी तथा इटहरीका आयुष गौतम अनुशासित खेलाडी घोषित हुँदै पुरस्कृत भए ।

आले तामाङ उत्कृष्ट खेलाडी घोषित भएर उनले ५ हजार रुपैयाँ प्राप्त गरे । आयोजक क्लब थर्टिनले अन्तराष्ट्रिय खेलाडी राजन लामा, अमृतमान श्रेष्ठ रेगन, सोनम लामा र निरमान बोगटीलाई सोहि कार्यक्रममा सम्मान गरेको थियो । प्रतियोगितामा काठमाडौं, पोखरा, नारायणगढ, हेटौंडा, कपिलबस्तुका १ सय २८ खेलाडीको सहभागिता थियो ।

स्वर्गिय राजु लामाका सुपुत्र पेम्बा लामा, वडा नं. ७ का वडाअध्यक्ष जगदिश चन्द्र आचार्य, नेपाली काग्रेस नगरसभापति खेलराज पाण्डे, प्रतियोगिताको सहसंयोजक तथा नेपाल पुल तथा स्नुकर संघका जिल्ला उपाध्यक्ष सुजन पुनलगायतले विजयी खेलाडीलाई पुरस्कृत गरे ।