5 years ago
December 19, 2019
काठमाडौं (हाम्रो खेलकुद)– नेपाली ब्याडमिन्टनका युवा स्टार प्रिन्स दाहाल बंगलादेशमा जारी योनेक्स सनराइज बंगलादेश जुनियर इन्टरनेसनल सिरिजको पुरुष एकलतर्फ क्वाटरफाइनलमा प्रवेश गरेका छन् ।
ढाकास्थित सहिद ताजुद्धिन अहमेद इन्डोर स्टेडियम पल्टनमा बिहीबार भएको प्रि–क्वाटरफाइनल खेलमा प्रिन्सले मलेसियाका चोङ इ ज्याकलाई २–० को सोझो सेटमा पराजित गर्दै अन्तिम आठमा पुग्न सफल भएका हुन् । एकपक्षीय खेलमा प्रिन्सले २१–९ र २१–८ को सहज जित निकाले ।
पुरुष एकलकै प्रि–क्वाटरफाइनलमा नेपालका देवराज राना भारतका जिनाना हर्स जेटीसँग २१–१९ र २१–१९ ले पराजित हुदै प्रतियोगिताबाट बाहिरिएका छन् । यस्तै नेपालका अन्य तीन टोली पनि क्वाटरफाइनलको यात्रा तय गर्न सफल भएको छ ।
पुरुष डबल्समा प्रिन्स र देवराज, मिक्स डबल्समा प्रिन्स र रशिला महर्जन तथा महला डबल्समा रशिला र जेसिका गुरुङको जोडी अन्तिम आठमा पुग्न सफल भएको हो । पुरुष डबल्समा प्रिन्स र देवराजको जोडी घरेलु टोली बंगलादेशका रहमान र मोहम्मद जोयद विनलाई २१–१० र २१–१५ ले पराजित गर्दै क्वाटरफाइनल पुग्न सफल भएको छ ।
महिला एकलमा रशिला महर्जन भारतकी आध्य पारासरसँग २१–८ र २१–१३ ले पराजित हुदै प्रि–क्वाटरफाइनलबाट बाहिरिएकी छन् । क्वाटरफाइनलमा खेलहरु शुक्रबार हुनेछ ।
February 23, 2025
काठमाडौं (हाम्रो खेलकुद)- नेपाल खेलकुद पत्रकार मञ्चका अध्यक्ष दुर्गानाथ सुवेदीलाई पितृशोक परेको छ। उनका बुवा ७३ बर्षे तारानाथ सुवेदीको उपचारका क्रममा काठमाडौं मोडल हस्पिटलमा आज दिउँसो २ बजे निधन भएको हो । पछिल्लो केही समययता मुटुको समस्याका कारण उनको उपचार भईरहेको थियो । उनको श्रीमती, एक छोरा र एक छोरी छन् । उनको आजै पशुपतिको […]
February 23, 2025
काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]
February 17, 2025
काठमाडौं (हाम्रो खेलकुद) – च्याम्पियन मार्शल आर्ट्स एकेडेमी युएसएले अमेरिकाको न्यु जर्सीमा भएको गार्डेन स्टेट कराते च्याम्पियनसिप २०२५ मा चार पदक जित्न सफल भएका छन् । गार्डेन स्टेट कराते च्याम्पियनसिप २०२५ मा प्रभावशाली प्रदर्शन गर्दै दुई रजत पदक र दुई कास्यपदक जित्न सफल भएको करातेका पुर्व अन्तर्राष्ट्रिय खेलाडी तथा एकेडेमीका प्रशिक्षक सुनिल लामाले जानकारी गराए […]
