पोखरा (हाम्रो खेलकुद) – दोस्रो संस्करणको पोखरा प्रिमियर लिग टि ट्वान्टी क्रिकेट प्रतियोगिताको उद्धघाटन खेलमा काठमाडौं गोल्डेन्स वारीयर्सले पोखरा पल्टनविरुद्ध पहिला ब्याटिङ गर्ने भएको छ ।

पोखरा रंगशालमामा भएको टसमा पोखराका कप्तान शरद भेषावाकरले जितेर पहिला फिल्डिङ गर्ने निर्णय लिएका हुन् ।पोखराले आजको खेलमा युवा तीब्र गतिका बलर आकश चन्द, अनुभवी तीब्र गतिका बलर महबुब आलम, ओपनर इशान पाण्डे, अनिल गुरुङ र अलराउन्डर कृष्ण कार्कीलाई बेन्चमा राखेको छ ।

स्पिनरलाई सहयोग पुग्ने अनुमान गरिएको पिचमा काठमाडौंले प्रमुख तीन स्पिनरलाई मैदान उतारेको छ । पोखराले पनि दुई प्रमुख स्पिनर र अलराउन्डरको रुपमा कुशल मल्ल गरि तीन स्पिनर मैदान उतारेको छ ।

काठमाडौंले आदिल खान, अमर सिंह राउटेला, ओपनर अमित श्रेष्ठ र स्पिनर सुर्य तामाङलाई बाहिर राखेको छ । उद्धघाटनको कारण विहान ११:३० पछि हुने भनेको खेल १२ बजेदेखी सुरु हुने भएको छ ।

काठमाडौंको प्लेइङ ११ :

ज्ञानेन्द्र मल्ल (कप्तान), पृथु बास्कोटा, सुसन भारी, बसन्त रेग्मी, पवन सरार्फ, नन्दन यादव, सुवास खकुरेल, अमृत भट्टाई, सुबोध भाटी, गौरव तोमर र जयकिशन कोल्सावाला (विकेटकीपर)

पोखराको प्लेइङ ११:

शरद भेषावकर, विनोद भण्डारी (विकेटकीपर) राशिद खान, रोहित कुमार पौडेल, ललित नारायणराजवंशी, मोहम्मद आशिफ शेख, कुशल मल्ल, प्रथमेश डाके, रवि इन्दर सिंह, सर्बाजित लाड, कुशल भुर्तेल