5 years ago
November 25, 2019
काठमाडौं (हाम्रो खेलकुद) – एक सातापछि नेपालमा आयोजना हुने १३औं दक्षिण एसियाली खेलुकद (साग) का लागि पाहुना टोलीहरुको नेपाल आउने क्रम शुरु भएको छ ।
औपचारिक रुपमा उद्घाटन हुनु अघि नै भलिबलका खेलहरु शुरु हुने भएपछि पाहुना टोलीहरु नेपाल आउने क्रम शुरु भएको हो । त्यसका लागि बंगलादेश, श्रीलंका र माल्दिभ्सको भलिबल टिम नेपाल आईपुगेका छन् ।
साग अन्तर्गत बुधबारबाट सुरु हुने भलिबलका लागि तीन राष्ट्रको पुरुष र महिला टिम सोमबार नेपाल आईपुगेका हुन् । सागको अतिथि सत्कार समितिले तीन राष्ट्र नेपाल आइपुगेको र बाँकी दुई राष्ट्र भारत र पाकिस्तान मंगलबार नेपाल आइपुग्ने जानकारी गराएको छ ।
तीन राष्ट्रको भलिबल टिम नेपाल आइपुगेको र बाँकी दुई टिम मंगलबार नेपाल आउने जानकारी गराए । सागको उद्घाटन अघि भलिबलका समूह चरणका खेलहरु सम्पन्न हुनेछन् ।
पुरुषतर्फ समूह ’ए’ मा नेपाल, भारत र बंगलादेश रहेका छन् । समूह ‘बी’मा श्रीलंका, पाकिस्तान र माल्दिभ्स रहेका छन् । महिलातर्फ समूह ‘ए’ मा नेपाल, भारत र बंगलादेश रहेका छन् । समूह ‘बी’ मा माल्दिभ्स, श्रीलंका र पाकिस्तान रहेका छन् । साग अन्तरगतको पुरुष भलिबलमा नेपालले पहिलो खेलमा बंगलादेशसँग खेल्ने भएको छ । दुई समूहका शीर्ष दुई टोली सेमिफाइनलमा प्रवेश गर्नेछन् ।
पहिलो दिन लिग चरणमा बुधबार पुरुषततर्फ नेपाल र बंगलादेशबीच खेल हुनेछ । खेल दिउँसो ३ बजेपछि हुनेछ । सोही दिन माल्दिभ्स र पाकिस्तनबीच साँझ ५ बजे खेल हुनेछ । दोस्रो दिन श्रीलंका र पाकिस्तान तथा भारत र बंगलादेशबीच खेल हुनेछ । तेस्रो दिन भारत र नेपाल तथा श्रीलंका र माल्दिभ्बीच खेल हुनेछ । प्रतियोगिता अन्तर्गत शनिबार सेमिफाइनलका दुवै खेल हुनेछ । सोमबार तेस्रो स्थानको लागि तथा मंगलबार स्वर्णपदकको लागि खेल हुनेछ ।
यस्तै साग अन्तरगतको महिला भलिबलमा नेपालले पहिलो खेलमा बंगलादेशसँग खेल्ने छ । नेपालको समूह ‘ए’ मा भारत र बंगलादेश रहेका छन् । समूह ‘बी’ मा श्रीलंका, पाकिस्तान र माल्दिभ्स रहेका छन् । दुई समूहका शीर्ष दुई टोली सेमिफाइनलमा प्रवेश गर्नेछन् ।
पहिलो दिन लिग चरणमा महिलाततर्फ नेपाल र बंगलादेशबीच खेल हुनेछ । दोस्रो दिन पाकिस्तान र माल्दिभ्स तथा भारत र बंगलादेशबीच खेल हुनेछ । तेस्रो दिन श्रीलंका र पाकिस्तान तथा भारत र नेपालबीच खेल हुनेछ । श्रीलंका र माल्दिभ्सबीच खेल हुनेछ । आइतबार सेमिफाइनलका दुवै खेल हुनेछ । सोमबार तेस्रो स्थानको लागि तथा मंगलबार स्वर्णपदकको लागि खेल हुनेछ ।
March 10, 2025
काठमाडौं (हाम्रो खेलकुद)- मञ्जुश्री ट्रेल रेस (एमटिआर) को पाँचौँ संस्करण यसै साता सुरु हुने भएको छ। आयोजकका अनुसार चैत १ देखि ३ गते (मार्च १४ देखि १६) सम्म हुने प्रतियोगितामा ५ सयभन्दा बढी धावकधाविका दौडने छन् । मञ्जुश्री ट्रेस रेसमा ३ सय ७१ नेपाली र १ सय ३१ विदेशी गरी कुल ५ सय २ जनाको […]
March 9, 2025
हिमाल खरेल,भद्रपुर झापा जिल्लास्तरीय १५ औँ राष्ट्रपति रनिङ शिल्ड प्रतियोगिताको उपाधि अर्जुनधारा नगरपालिकाले जितेको छ । योसँगै अर्जुनधारा नगरपालिका लगातार तेस्रो पटक च्याम्पियन बनेको छ । उसले रनिङ शिल्डमाथि कब्जा जमाएको छ । आज मेची रंगशाला भद्रपुरमा सम्पन्न सबै छवटा विधाका खेलमा अर्जुनधारा १५ स्वर्ण, १२ रजत र १२ कास्य पदकसहित प्रथम भएको आयोजक झापा […]
March 9, 2025
नेपालगन्ज (हाम्रो खेलकुद)- जिल्लामा पहिलोपटक आयोजना गरिएको बाँके एमटिबी रेस २०२५ काे मुख्य उपाधि जंगु थारु र रुपा थारुले जितेका छन् । ५ किलोमिटर दुरीकाे क्रसकन्ट्री रेसमा इलाइट पुरुषतर्फ जंगुले ५२ मिनेट ५८ सेकेन्डमा निर्धारित दूरी पूरा गर्दै विजयी भए । विशाल थारु (५७:५६ मिनेट) दाेस्राे र बिमलेस यादव(५७:५८ मिनेट) तेस्रो भए । त्यसैगरी इलाइट […]
