नेपाल विरुद्ध माल्दिभ्स

एभीसी एसियन सिनियर महिला सेन्ट्रल जोन भलिबल च्याम्पियनसिप – फाइनल

स्थान : शहिद सुरावार्दी इन्डोर रंगशाला

माथिको लिंक नचालेमा यहाँ थिच्नुहोस्

बुधबार फाइनल खेल्ने प्रतिद्धन्द्धी माल्दिभ्सलाई ३–० को सोझो सेटमा पराजित गर्दै नेपाली राष्ट्रिय महिला भलिबल टोली ऐतिहासिक उपाधि नजिक पुगेको हो । नेपाली महिला भलिबल टोलीले हालसम्म स्वर्णपदक जित्न सकेको छैन । २०१४ मा काठमाडौंमा आयोजना भएको दक्षिण एसियाली आमन्त्रण महिला भलिबल च्याम्पियनसिपमा जितेको रजतपदक नै नेपाली भलिबलको सबैभन्दा ठुलो पदक हो ।

त्यस्तै नेपालले दक्षिण एसियाली खेलकुद प्रथियोगिता (साग) मा तीन कास्यपदक जितेको छ । हुन त यो उपलब्धि नेपालले २०१४ मै पाएको थियो । घरेलु कोर्टमा भएको प्रथम दक्षिण एसियाली आमन्त्रण महिला भलिबल च्याम्पियनसिपको फाइनलमा बलियो प्रतिद्धन्द्धी भारतसँग चुकेपनि नेपालले त्यतिबेला नै रजतपदक जितेर ऐतिहासिक उपलब्धि दिलाएको थियो । त्यतिबेला नेपालले बलियो श्रीलंकालाई पराजित गरेको थियो ।

च्याम्पियनसिपमा नेपाल एक्लो अपराजित टोली हो । यतिमात्र होइन नेपालले सबै चार खेलमा कुनैपनि सेट गुमाएको छैन । प्रतिभा माली, सरस्वती चौधरी माल्दिभ्सविरुद्ध नेपालको मुख्य हतियार हुनेछन् । उनीहरुलाई ब्याकमा रेश्मा भण्डारी, निरुता ठगुन्ना, पुनम चन्द, मिडल ब्लकरमा साफिया पुुन, उषा कुमारी विष्ट र सुनिता खड्काले साथ दिनेछन् ।