ढाका (हाम्रो खेलकुद) – किर्गिस्तानले बंगलादेशमा जारी एभीसी एसियन सेन्ट्रल जोन सिनियर महिला भलिबल च्याम्पियनसिपमा पहिलो जित निकालेको छ । ढाका मिरपुरस्थित शहिद शुरवार्दी इन्डोर हलमा मंगलबार भएको खेलमा किर्गिस्तानले अफगानिस्तान लाई ३–० को सोझो सेटमा पराजित गर्दै  च्याम्पियनसिपमा पहिलो जित निकालेको हो ।

पहिलो र दोस्रो सेटमा २५–६ र २५–७ को सोझो जित निकालेको किर्गिस्तानले दोस्रो सेटमा केही संघर्ष गर्नुपरेपनि २५–१५ ले खेल आफ्नो पक्षमा पार्न सफल भयो । तेस्रो सेटमा १५ अंक जोडेसँगै अफगानिस्तानले च्याम्पियनसिपमा पहिलोपटक दोहोरो अंक जोड्न सफल भयो । यसअघिका तीन खेलमा अफगानिस्ताले कुनै पनि सेटमा दोहोरो अंक जोड्न सकेका थिएनन् ।

खेलमा उच्च प्रदर्शन गरेकी किर्गिस्तानकी सुम्कारबेकोभा एलिया खेलको क्वीन्स अफ दि म्याच घोषित भइन् । उनले एक थान इलेक्ट्रा मोवाई हात पारिन् । पहिलो जितसँगै किर्गिस्तानले ४ अंक जोडेको छ । अफगानिस्तान जितर अंकविहीन हुदै प्रतियोगिताबाट बाहिरिएको छ । किर्गिस्तानले भने तेस्रो स्थानको लागि प्रतिस्पर्धा गर्ने भएको छ ।

केही बेरमा नेपाल र घरेलु टोली बंगलादेशबीच खेल हुदैछ । यो खेलमा जित हात पारे अपराजित रहेको नेपाल एक खेल अगावै च्याम्पियनसिपको फाइनलमा पुग्नेछ ।  माल्दिभ्स ८ अंक जोडेर शीर्षस्थानमा रहेको छ । नेपाल ६ अंकसहित दोस्रो स्थानमा रहेको छ । बंगलादेशको ३ अंक छ ।