काठमाडौं (हाम्रो खेलकुद) – क्यानाडाको एडमन्टनमा रहेको हिमालयन तेक्वान्दो एकेडेमीले क्यानडियन आइटिएफ राष्ट्रिय तेक्वान्डो च्याम्पियनसिप–२०१९ मा उत्कृष्ट प्रदर्शन गरेको छ । सस्काच्युयन तेक्वान्डो फेडरेसनको आयोजनामा भएको सो प्रतियोगितामा हिमालयनका खेलाडीले १५ स्वर्ण, १४ रजत र १९ कास्य पदक गरि कुल ४८ पदक जितेको क्यानाडाबाट राजु गड्तौलाले जानकारी दिएका छन् ।

प्रतियोगितामा स्पायरिङ र प्याटर्न गरी दुई विधा समावेश गरिएको थियो । प्रतियोगितामा गिब्सन ढकाल, प्रसिद्वि कडेल, प्रशुन शर्माले दुवै विधामा स्वर्ण पदक जिते । आरुष उप्रेती, अनुप घिमिरे, आर्यन भट्टराई, जोनिस चौधरी, प्रद्योतन निरौला, प्रशुभ अधिकारी, रिकेश पुरी, स्पन्दन गौतम र सुभम अधिकारीले स्वर्ण पदक जिते ।

विवेक तिम्सिना, गणेश वोहोरा, जेम्स चौधरीले दुवै विधामा रजत पदक जितेका छन् । त्यस्तै आरम्भ खरेल, अवि सिह, आदित्य अधिकारी, अरिक पौडेल, आयुस ओझा, विवश लामिछाने, जेनिसा चापागाई र रिकेस पुरीले रजत पदक जिते ।

दुवै विधामा कास्य पदक जित्नेमा अनुप रसाईली, प्रवेश पौडेल, रियाज अर्याल, र शशांक भन्डारी छन् । आरम्भ खरेल, आरुष उप्रेती, अवि सिंह, आदित्य अधिकारी, अनुप घिमिरे, एरिक पौडेल, आर्यन भट्टराई, आयुष ओझा, भविष लामिछाने, जेनिस चापागाई, स्पनदन गौतमले रजत पदक जिते ।

नोभेम्बर ८ र ९ मा सस्काच्युन राज्यको रेजाइना सहरमा सम्पन्न प्रतियोगितमा क्यानाडामा रहेका ४ सय ५० खेलाडीको सहभागिता रहेको बताइएको छ । गड्तौला र हुमन गौतमले क्यानाडाको अल्वर्टा राज्यको राजधानी एडमन्टनमा हिमालयन तेक्वान्डो एकेडेमीे सञ्चालन गर्दै आएका छन् । हिमालयनले गडतौलाको नेतृत्व र गौतमको व्यवस्थापनमा प्रतियोगितामा भाग लिएको थियो ।

तीन वर्ष अघि देखि सञ्चालनमा आएको रहेको एकेडेमीमा नेपाली मुलका करिव ८० प्रशिक्षार्थी रहेको गड्तौलाले जानकारी दिए । अक्टोबरमा युरोपमा हुने विश्व च्याम्पियनसिपका लागि खेलाडीहरुलाई तयारी चलिरहेको पनि प्रशिक्षक गड्तौलाले बताए । हिमालयन तेक्वान्डोमा हाल नेपाली भाषी विद्यार्थी मात्र रहेपनि अन्य समुदायका खेलाडीलाइ पनि भर्ना खुल्ला रहेकोे सञ्चालक गौतमले बताए ।