नेपाल विरुद्ध किर्गिस्तान (प्रत्यक्ष प्रसारण)

स्थान : शहिद सुरावार्दी इन्डोर रंगशाला

प्रत्यक्ष प्रसारण हेर्न यहाँ थिच्नुहोस

अफगानिस्तानविरुद्धको एकपक्षीय जितमा उच्च प्रदर्शन गरेकी प्रतिभा माली किर्गिस्तानविरुद्धको खेलमा पनि नेपाली टोलीको मुख्य हतियार हुनेछिन् । टोलीलाई निरुता ठगुन्ना र सुनिता खड्काको पनि साथ हुनेछ । अघिल्लो खेलमा विश्राममा रहेकी स्पाइकर सरस्वती चौधरी यस खेलमा खेल्ने सम्भावना रहेको छ ।

पहिलो खेलमा माल्दिभ्ससँग ३–२ को सेटमा पराजित भएको किर्गिस्तान नेपाललाई रोक्ने लक्ष्यमा कोर्टमा उत्रनेछ । किर्गिस्तानले माल्दिभ्सविरुद्ध पहिलो सेट गुमाएर पनि बाकी दुई सेट जित्दै खेलमा पुनरागमन गरेको थियो । तर, बाँकी दुई सेट किर्गिस्तानले आफ्नो पक्षमा पार्न नसक्दा पराजित हुन पुगेको थियो । त्यही कमजोरी सुधार्दै नेपाललाई चुनौती दिने किर्गिस्तानको लक्ष्य छ । अग्लो कद किर्गिस्तानको लागि फाइदा हुन सक्नेछ । आजै दोस्रो खेलमा अफगानिस्तान र माल्दिभ्सबीच प्रतिस्पर्धा हुनेछ ।

आजको खेलमा जित दर्ता गरे नेपाल फाइनलनजिक पुग्नेछ । किर्गिस्तानलाई भने हारले फाइनल पुग्ने दौडबाट बाहिर पुर्याउनेछ । आजको अन्तिम खेलमा माल्दिभ्सले जित दर्ता गरे फाइनल पुग्ने पहिलो टोली बन्नेछ ।