default_image

5 years ago

November 10, 2019

सेन्ट्रल जोन : माल्दिभ्सको लगातार दोस्रो जित

87 views

0 Bookmark

ढाका (हाम्रो खेलकुद) – माल्दिभ्सले बंगलादेशमा जारी प्रथम एभीसी एसियन सेन्ट्रल जोन सिनियर महिला भलिबल च्याम्पियनसिपमा लगातार दोस्रो जित निकालेको छ ।

आइतबार भएको दोस्रो खेलमा माल्दिभ्सले आयोजक बंगलादेशलाई ३–० को सोझो सेटमा पराजित गर्दै च्याम्पियनसिपमा लगातार दोस्रो जित हात पारेको हो । मिरपुरस्थित शाहिद शुरवार्दी इन्डोर स्टेडियममा भएको खेलमा माल्दिभ्सले पहिलो सेटमा २५–१६ को सहज जित निकालेको थियो ।

निकै नै प्रतिस्पर्धात्मक बनेको दोस्रो सेटमा माल्दिभ्स खेलमा पछि परेपनि रोमाञ्चक जित निकाल्न सफल भयो । खेलमा शुरुवात देखि नै पछि परेको माल्दिभ्सले २१–२१ अंक बराबरीमा ल्याएर खेलमा पुनरागमन गर्दै २७–२५ को जित निकाल्न सफल भएको थियो । तेस्रो सेटमा माल्दिभ्स २५–२२ ले विजयी रह्यो । लगातार दोस्रो जित निकालेको माल्दिभ्सले दुई खेलबाट ५ अंक जोडेको छ । माल्दिभ्सले पहिलो खेलमा किर्गिस्तानमाथि ३–२ को रोमाञ्चक जित निकालेको थियो ।

पहिलो हार बेहोरेको घरेलु टोली बंगलादेशको ३ अंक छ । नेपालको पनि ३ अंक नै छ । किर्गिस्तानले १ अंक जोडेको छ । दुवै खेलमा हार बेहोरेको अफगानिस्तान अंकविहीन छ । आइतबारै नेपालले अफगानिस्तानमाथि २५–४, २५–९ र २५–६ को सहज जित हात पारेको थियो ।

च्याम्पियनसिपमा सोमबार दुई खेल हुनेछ । पहिलो खेलमा नेपालले किर्गिस्तानसँग खेल्नेछ । दोस्रो खेलमा अफगानिस्तान र माल्दिभ्सबीच खेल हुनेछ ।

यो पनि :

 

राष्ट्रिय टोलीमा डेब्युपछि यसो भन्छन् खेलाडी 

प्रतिभा बनिन् ‘प्लेयर अफ दि म्याच’

सेन्ट्रल जोन: अफगानिस्तानमाथि नेपालको एकपक्षीय जित

 

January 21, 2025

खो खो विश्व कप – रजत पदक विजेता दुवै टोलीको भव्य स्वागत

काठमाडौं (हाम्रो खेलकुद)- भारतमा सम्पन्न खो खो विश्व कपमा ऐतिहासिक रजत पदक जितेको नेपाली महिला र पुरुष टोली स्वदेश फर्केको छ। त्रिभुवन अन्तर्राष्ट्रिय विमानस्थलमा सोमवार नेपाली टिमलाई बाजा गाजा सहित भव्य स्वागत गरियो। युवा तथा खेलकुद मन्त्रालयका सचिव हरि प्रसाद लम्साल, राष्ट्रिय खेलकुद परिषद (राखेप) का उपाध्यक्ष ध्रुव आचार्य, सदस्य सचिव टंकलाल घिसिङ, परिषदका सदस्य, […]

January 19, 2025

खो खो विश्व कप – नेपाली पुरुष टोली पनि दोस्रो

काठमाडौं (हाम्रो खेलकुद)- नेपाली पुरुष टोली पनि भारतमा भएको खो खो विश्व कपमा दोस्रो भएको छ । दिल्लीस्थित इन्दिरा गान्धी रंगशालामा आइतवार आयोजक भारतसँग ५४-३६ ले पराजित हुँदै नेपाल उप विजेता बनेको हो । समूह चरणमा पनि नेपाल भारतसँग नै पराजित भएको थियो। नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको […]

January 19, 2025

खो-खो विश्वकपमा महिला टोली उपविजेता

काठमाडौं (हाम्रो खेलकुद) – खो खो विश्वकपको महिलातर्फको फाइनलमा नेपाल घरेलु टोली भारतसँग फराकिलो अन्तरले पराजित हुँदै उपविजेतामा सिमित भएको छ । नेपाल फाइनलमा ७८-४० अन्तरले पराजित भएको हो । दिल्लीस्थित इन्दिरा गान्धी इन्डोर हलमा घरेलु टोलीले पहिलो टर्नदेखि नै दबाब कायम गरेको थियो । पहिलो टर्नमा आक्रमण गर्दै ३२ अंक जोडेको भारतले दोस्रो टर्नमा […]

Success

Thank you for your time.