ढाका (हाम्रो खेलकुद) – प्रथम एभीसी एसियन सेन्ट्रल जोन सिनियर महिला भलिबल च्याम्पियनसिपको पहिलो खेलमा नेपालले अफगानिस्तानसँग खेल्दैछ ।

यस खेलका लागि नेपाली टोलीका भरपर्दा स्पाइकर सरस्वती चौधरीलाई अफगानिस्तानविरुद्धको पहिलो खेलमा विश्राम लिएकी छिन् । मुख्य प्रशिक्षक जगदिश भट्टले सामान्य चोट बोकेका कारण उनीमाथि जोखिम नलिएका हुन् । टोलीमा समावेश मध्ये ६ नयाँ खेलाडीलाई आज डेब्यु गराउने सम्भावना छ । टोलीमा निरुता ठगुन्ना, सोफिया पुन, सुनिता खड्का, जानकी भण्डारी, सलिना श्रेष्ठ र पुनम चन्द नयाँ अनुहार हुन् ।

नेपाली टोलीले अरुणाा शाहीको कप्तानीमा झन्डै २ वर्षपछि पहिलो अन्तर्राष्ट्रिय खेल खेल्दैछ । नेपाली महिला राष्ट्रिय टोलीले पछिल्लाेपटक २०१८ जनवरीमा एफआईभिवी सेन्ट्रल जाेन वल्ड छनाेट खेल खेलेकाे थियाे । त्यसयता नेपाली टाेलीले अन्तर्राष्ट्रिय प्रतियोगिता खेलेको थिएन ।

नेपाली टोली सागको लागि विगत चार महिनायता नियमित प्रशिक्षणमा रहेको छ । टोलीले तीन साता थाइल्यान्डमा प्रशिक्षणका साथै अभ्यास खेल खेल्ने मौका पाएका थियो । नेपालले सोमबार किर्गिस्तानसँग, मंगलबार आयोजक बंगलादेशसँग र बुधबार माल्दिभ्ससँग खेल्ने छ ।