ढाका (हाम्रो खेलकुद) – बंगलादेश ढाकामा शनिबारबाट शुरु भएको प्रथम एभीसी एसियन सेन्ट्रल जोन सिनियर महिला भलिबल च्याम्पियनसिपमा माल्दिभ्सले विजयी सुरुवात गरेको छ ।

शुरवार्दी इन्डोर स्टेडियम मिरपुर ढाकामा शनिबार भएको पहिलो खेलमा माल्दिभ्सले किर्गिस्तानमाथि ३–२ को रोमाञ्चक जितनिकाल्दै च्याम्पियनसिपमा विजयी शुरुवात गरेको हो । माल्दिभ्सले शुरुवाती सेट जितेपनि त्यसपछि दुई सेट गुमायो ‌। अन्तिम दुई सेट आफ्नो पक्षमा पार्दै माल्दिभ्सले रोमाञ्चक जित हात पारेको हो । निकै नै प्रतिस्पर्धात्मक बनेको पहिलो सेटमा किर्गिस्तान एक समय आरामदायी अग्रता लिएको थियो । किर्गिस्तानले पूनरागमन प्रयास गरेपनि पहिलो सेटमा माल्दिभ्सले २६–२४ को प्रतिस्पर्धात्मक जित निकाल्यो ।

त्यसपछिको दुवै सेट माल्दिभ्सले २२–२५ र २५–१४ ले गुमाएको थियो । चौथो सेट २५–१८ ले आफ्नो पक्षमा पार्दै माल्दिभ्सले खेलमा फर्कने संकेत देखायो । प्रतिस्पर्धात्मक निर्णायक सेटमा माल्दिभ्स १५–१० ले विजयी हुन सफल भयो । जितसँगै माल्दिभ्सले २ तथा किर्गिस्तानले १ अंक जोडेको छ ।

आजै दोस्रो खेलमा आयोजक बंगलादेश अफगानिस्तानबीच प्रतिस्पर्धा हुदैछ । नेपालले आइतबार अफगास्नितानसँग खेल्दै प्रतियोगिताको शुरुवात गर्नेछ । त्यसपछि नेपालले सोमबार किर्गिस्तानसँग, मंगलबार आयोजक बंगलादेशसँग र बुधबार माल्दिभ्ससँग खेल्ने छ ।

राउन्ड रोविन लिगको शीर्ष दुई टोलीले उपाधिका लागि नोभेम्वर १४ मा खेल्नेछ । सोही दिन तेस्रो र चौथो स्थानको प्ले हफ हुनेछ । च्याम्पियनसिपमा नेपालसहित आयोजक बंगलादेश, अफगानिस्तान, माल्दिभ्स र किर्गिस्तानको सहभागिता रहेको छ । च्याम्पियनसिपका सबै खेलहरु शाहिद शुरवार्दी इन्डोर स्टेडियम मिरपुर ढाकामा हुनेछ ।

[review]