काठमाडौं (हाम्रो खेलकुद) – छैटौं संस्करणको लक्ष्मी बैंक ओपन गल्फ प्रतियोगिता शनिबार आयोजना हुने भएको छ ।

गोकर्ण गल्फ क्लबमा हुने प्रतियोगितामा महिला र पुरुष गरि एक सय भन्दा बढी खेलाडीले सहभागिता जनाउने छन् ।

प्रतियोगितामा उमेर र सिनियर दुवैको अलग अलग प्रतिस्पर्धा हुने छ । उमेर समुहमा यू१७ हुने छ । विजेता, उप विजेता, उत्कृष्ट ग्रोस, महिला विजेता, सिनियर विजेता, सिनियर उप विजेता,विनर गेष्ट क्याटगेरी, जुनियर विजेता, लन्गेष्ट विनरले पुरस्कार पाउने छन् ।

लक्ष्मी बैंकका प्रमुख कार्यकारी अधिकृत अजय विक्रम शाहले गल्फ लगातार छ वर्षदेखि आयोजना गर्दै आएको र फुटबलमा लामो समयदेखि प्रायोजन गर्दै आएको बताए ।

‘ हामीले गल्फ आयोजना गर्दा व्यापारिक संस्थाहरुको आकर्षण कम नै थियो । अहिले धेरै भएको छ । नेपालको गल्फ विकासमा हाम्रो पनि साथ रहोस् भन्नका लागि निरन्तर आयोजना गरिएका छौं,’ उनले भने,‘ अर्को तिर बुढासुब्बा गोल्डकपमा भने हामी लामो समयदेखि सहकार्य गर्दै आएका छौं । ’

प्रतियोगितामो १० नम्बर होलमा होल इन वान गर्ने गल्फका लागि हुन्डाईको कोना गाडी पुरस्कारका रुपमा राखिएको छ । त्यो अहिले सम्म कुनै पनि होलको होल इन वानमा राखिएको सबैभन्दा महंगो गाडी रहेको गोकर्ण गल्फका सिनियर डाइरेक्टर दीपक आचार्यले बताए ।

२००२ मा स्थानपना भएको लक्ष्मी बैंकको देशभरमा १ सय १६ शाखा र १ सय ४० एटिएम रहेका छन् ।