विश्व जुडो च्याम्पियनसिप– सोनियालाई पहिलो बाउटमा सफलता

काठमाडौं (हाम्रो खेलकुद)– जुडोकी सोनिया भट्टले विश्व जुडो च्याम्पियनसिप जुनियरमा एक बाउट जितेकी छिन् । मोरक्कोमा जारी च्याम्पियनसिपमा बुधबार ४८ केजी मुनि तौल समूह आफ्नो पहिलो बाउटमा सोनियाले मोजाम्बिककी मन्मे जेन्नीलाई वाजारी आवासोती इप्पोनको आधारमा पराजित गरेकी थिइन् ।

विश्व च्याम्पियनसिपमा एक बाउट जित्ने सोनिया पहिलो नेपाली खेलाडी हुन् ।
सोनिया दोस्रो बाउटमा भने जापानकी वान्तानावे एइकोसँग पराजित भइन् । भट्टको तौल समुहमा विभिन्न देशका ३१ खेलाडीले प्रतिस्पर्धा गरेको नेपाल जुडो संघले जनाएको छ । सोनियालाई पराजित गर्ने जापानी खेलाडीले सो तौल समूहमा पाचौँ स्थान हासिल गरेकी छिन ।

अर्की खेलमा मनिता श्रेष्ठ प्रधान ५७ केजी मुनि ब्राजिलकी एन्डरेड भिटोरियासँग पराजित भइन् । उनले ब्राजिली खेलाडीसँग पुरा समय खेल्दै वाजरीमा हार भोगिन् । मनिताको तौल समुहमा विभिन्न देशका ४२ खेलाडीले प्रतिस्पर्धा गरेका थिए ।