महर्जन आइबा बक्सिङ थ्री स्टार प्रशिक्षक

काठमाडौं (हाम्रो खेलकुद)– एसियाली खेलकुदका कास्य पदक विजेता पूर्व बक्सर तथा प्रशिक्षक दीपक महर्जनले इन्टरनेसनल बक्सिङ एसोसिएसन (आइवा) को थ्री स्टार कोचेज कोर्ष उत्तीर्ण गरेका छन् ।

महर्जनले २०१९ जुन २८ देखि जुलाई ४ सम्म दक्षिण कोरयाको सुवोनमा भएको कोचेज कोर्ष सफलतापुर्वक उत्र्तीण गरेको आइवा बक्सिङका अन्तरिम अध्यक्ष डा. मोहमेद मौस्तासेनले नेपाल बक्सिङ संघका अध्यक्ष राम अवालेलाई सम्बोधन गर्दै जारी गरेको विज्ञप्तिमा उल्लेख छ ।

थ्री स्टार कोजेज कोर्स उत्तीर्ण भएसँगै महर्जनले यो मौका दिने नेपाल बक्सिङ संघलाई धन्यवाद दिएका छन् । ‘मलाई यो मौका दिने नेपाल बक्सिङ संघलाई धन्यवाद । आगमी दिनमा नेपाली बक्सर उत्पादन गर्नको लागि मैले सिकेको कुराहरु शेयर गर्नेछु । पुनः नेपाल बक्सिङ संघलाई धन्यवाद ।’

दीपक ग्वाङजाउ एसियाड (सन् २०१०) का कास्य पदक विजेता हुन् । त्यति बेला उनले मात्र देशका लागि पदक जितेका थिए ।