काठमाडौं (हाम्रो खेलकुद)- मेलम्ची नगरपालिकाले प्रथम कालिकादेवी संस्थापक भलिबल प्रतियोगिताको उपाधि जितेको छ । बुधबार भएको फाइनल भिडन्तमा मेलम्ची नगरपालिकाले चौतारा नगरपालिकालाई २५–१९, २५–१९ र २५–१४ को सोझो सेटमा हराउँदै उपाधि आफ्नो पोल्टामा पारेको हो ।

घरेलु दर्शकको समर्थन पाएको चौताराले सुरुमा मेलम्चीलाई केही दबाबमा राखेपनि मेलम्चीका खेलाडीहरुको उत्कृष्ट प्रदर्शन गर्दा गर्दै सहज जित निकाल्न सफल भएको थियो । बुधबार नै तेस्रो स्थानको लागि भएको प्रतियोगीतामा इन्द्रावती गाउँपालिकाले हेलम्बु गाउँपालिकालाई हराउँदै तेस्रो भएको थियो ।

उपाधिसँगै मेलम्चीले १ लाख ११ हजार १ सय ११ रुपैयाँ हात पारेको छ । दोस्रो भएको चौतारा साँगाचोकगढी नगरपालिकाले ५५ हजार ५ सय ५५ रुपैयाँ तथा तेस्रो भएको इन्द्रावती गाउँपालिकाले  २२ हजार २ सय २२ रुपैयाँ पुरस्कार पाए ।

मेलम्चीका रमेश खतिवडा सर्वात्कृष्ट खेलाडी घोषित भए । मेलम्चीकै रमेश भट्टराई बेस्ट स्पाइकर, चौताराका जगदिश श्रेष्ठ बेस्ट ब्लकर, मेलम्चीका कृष्ण तामा बेस्ट सेटर, हेलम्वुका अजय तामाङ लिवेरो, मेलम्चीका राजकुमार श्रेष्ठ उत्कृष्ट प्रशिक्षक चुनिए । चौताराका मानबहादुर थापा उदियामान खेलाडी बने ।

विजयी खेलाडीहरुलाई प्रदेश–३ का सासंद सुरेश नेपालले पुरस्कृत गरे । प्रतियोगिता अर्काे वर्ष पनि आयोजना हुने विद्यालयका अध्यक्ष रघुसिंह तामाङले जानकारी दिए । सोही अवसरमा कालिकादेवी माध्यमिक विद्यालयमा अध्ययन गरेर माथिल्लो तहमा पुग्ने पुर्व विद्यार्थीहरुलाई सम्मान गरिएको थियो । सम्मानित हुनेमा बलेफी गाउँपालिकाका प्रमुख प्रशसकीय अधिकृत गणेश नेपाली, चौतारा क्याम्पसका सहयाक प्रमुख डम्बरबहादुर श्रेष्ठ निर्माण व्यावसयाी संघ सिन्धुपाल्चोकका अध्यक्ष छत्र तामाङ छन् ।