काठमाडौं (हाम्रो खेलकुद)– नेपाली सेनाले पहिलोपटक विश्व सैन्य गेम्समा सहभागी जनाउने भएको छ । अन्तर्राष्ट्रिय सैन्य खेल परिषद् (सीआईएसएम) को आयोजनामा चीनको वुहान सिटीमा आयोजना हुन लागेको सातौ संस्करणमा नेपाली सेनाले सहभागिता जनाउन लागेको हो ।

नेपाली सेनाले गतवर्ष मात्रै सीआईएसएमको सदस्यता प्राप्त गरेको थियो । सदस्यता प्राप्त गरेसँगै सेनाले सहभागिता जनाउने भएको हो । प्रतियोगितामा २५ खेल हुने भएपनि नेपाली सेनाले १३ खेलमा सहभागिता जनाउन लागेको सैनिक जनसम्पर्क तथा सूचना निर्देशनालयका निर्देशक विज्ञानदेव पाण्डेले बताए ।

नेपाल आर्मीले आर्चरी, ब्याडमिन्टन, बक्सिङ घोडचडी, फेन्सिङ, जुडो, ट्रायथलन, ट्र्याक एन्ड फिल्ड, तेक्वान्दो, बिच भलिबल, कुस्ती, मोर्डन पेन्टाथन र सुटिङमा सहभागिता जनाउन लागेको प्रतियोगिताका सेफ दि मिसन शशि किरण रायमाझीले जानकारी गराए । खेलाडी र अफिसियल गरी ६४ जनाको टोली रहेको छ । जसमा ४० खेलाडी, अफिसिल रेफ्री, मेडिकल गरी २१ जना, मिडियाकर्मी दुई जना आर्मी र एक जना राससको गरी तीन जना रहेको छ ।

प्रतियोगिताको उद्घाटन समारोहमा उपप्रधानमन्त्री तथा रक्षामन्त्री ईश्वर पोखरेलसमेत सहभागी हुनेछन् । हवाई टिकट खर्च नेपाल आर्मीले ब्यहोर्नेछ भने अन्य बसोबास र खानाको खर्च आयोजकले व्यहोर्ने निर्देशक पाण्डेले बताए । प्रतियोगितामा १०५ देशका १० हजार ७१९ आर्मी खेलाडी तथा अफिसियल सहभागी हुँदैछन् ।

अन्तर्राष्ट्रिय ओलम्पिक कमिटीसँग आबद्ध रहेको सीआईएसएमले अन्तर्राष्ट्रियस्तरका पाँचवटा प्रतियोगिता गर्दै आएको छ । सीआईएसएम वल्र्ड समर गेम्स, विन्टर गेम्स हरेक चार वर्षमाहुनेछ । वल्र्ड च्याम्पियनसिप, महादेशीय र क्षेत्रीय च्याम्यिनसिप प्रत्येक वर्ष आयोजना हुदै आएको छ । वल्र्ड क्याडेट गेम्स प्रत्येक दुई वर्षमा तथा सीआईएसएम वल्र्ड कप प्रत्येक चार वर्षमा हुने गर्दछ । १९९५ बाट यो गेम्स सुरु भएको भए पनि नेपालले २४ वर्षपछि सहभागिता जनाउन लागेको हो ।

सातौं सीआईएसएम विश्व सैन्य गेम्सका सहभागीहरू
प्रतिनिधि मन्डल प्रमुख – चन्द्रबहादुर सिंह
सेफ दि मिसन – शशिकिरण रायमाझी
डेपुटी सेफ दि मिसन – नवीन्द्रबहादुर शाह
मिडिया – ईश्वरकुमार श्रेष्ठ, देवकुमार माझी र नारायाणप्रसाद न्यौपाने (रासस)
अफिसियल – राजेश बस्नेत, दुर्गाराज सिंह, राम श्रेष्ठ (कोच), गगनबहादुर महतरा, संगम लम्साल, ओक कालाथोकी र सुनिता महर्जन
आर्चरी – रोशन नगरकोटी, मित्रा राई
ब्याडमिन्टन – रत्नजित तामाङ, नवीन श्रेष्ठ र अनुमाया राई
एथलेटिक्स – देवीबहादुर बस्नेत (कोच), कृष्णबहादुर बस्नेत, सोमबहादुर कुमाल, डिल्ली खत्री, विश्वरूपा बुढा, सरस्वती भट्टराई, तुलसा खत्री र सरस्वती चौधरी
जुडो– शवबहादुर बराम (कोच) पवनकुमार श्रेष्ठ, निर्मला घर्तीमगर र पुनम श्रेष्ठ
कुस्ती – सुशिला चन्द्र
फेन्सिङ – जलेन्द्रबहादुर शाही र इन्दिरा पौडेल
तेक्वान्दो – दान बहादुर ऐरी (कोच) र दीपेन्द्र ढकाल (रेफ्री), सागर गुभाजु, ज्ञानेन्द्र हमाल, रामदत्त भट्ट, सक्षम कार्की, काजल श्रेष्ठ, युनिशा राई र नम्रता तुलाधर
सुटिङ – मीरा बन्जारा र कल्पना परियार
ट्रायथलन – विक्रम राई (कोच), वसन्त थारू र दीपेश चौधरी
बक्सिङ – देवेन्द्रराज सिंह ठकुरी, उमेश लामा (कोच), सुदन गुरुङ (कटम्यान), तेजबहादुर देउवा, दीपक श्रेष्ठ, आशिष दवाडी, मिनु गुरुङ, पुनम रावल
बिच भलिबल – दानेश्वर अधिकारी (कोच), मानबहादुर श्रेष्ठ र दिलबहादुर सुनार
घोडचडी – रुद्रबहादुर कटुवाल (कोच), खिलधोज खड्का र ओमप्रकाश यादव
मोर्डन पेन्टाथलन – सुविराज याक्खा र रामबहादुर घिमिरे
डाक्टर – सुशील रानामगर