5 years ago
September 25, 2019
काठमाडौं (हाम्रो खेलकुद)-नेपाल ओलम्पिक कमिटिको समन्वयमा तेक्वान्दोको ओलम्पिक सोलिडारिटी कोर्ष बुधबार सुरु भएको छ । सातदोबाटोस्थित तेक्वान्दो एकेडेमीमा नेपाल ओलम्पिक कमिटिका अध्यक्ष जीवनराम श्रेष्ठले कोर्षको उद्घाटन गरे ।
कोर्षमा राष्ट्रिय खेलकुद परिषद्का प्रशिक्षक, जिल्लाहरुमा डोजाङ सञ्चालन गदै आएका तेक्वान्दो प्रशिक्षकले सहभागिता जनाएका छन् । कोर्षको संचालन कोरियन प्रशिक्षक प्रा.डा.इन सक ह्वाङले गर्नेछन् । नवौं डान लिएका ह्वाङलाई नेपालका छौटौं डान लिएका प्रशिक्षक श्रीमान थापा र पुर्ण योञ्जनले प्रशिक्षणमा सहयोग गर्नेछन् ।
असोज २९ गते सम्म संचालन हुने कोर्षमा छैटौं डान प्राप्त गरेका प्रशिक्षक १ जना, पाँचौं डान हाँसिल गरेका प्रशिक्षक ३१ जना, चौथो डान हाँसिल गरेका प्रशिक्षक २४ जना, तेश्रो डान हाँसिल गरेका प्रशिक्षक २५ जना र दोश्रो डान हाँसिल गरेका प्रशिक्षक ८ जनाले प्रशिक्षण लिइरहेका छन् ।
साथै प्रशिक्षणमा १३औं को बन्द प्रशिक्षणमा रहेका पुन्से विधाका १८ जना खेलाडीले पनि सहभागिता जनाएको तेक्वान्दोका मुख्य प्रशिक्षक नविन श्रेष्ठले जानकारी गराए । कोर्षको उद्घाटनका अवसरमा संघका उपाध्यक्ष भोजवहादुर शाह, महासचिव दिपराज गुरुङलगायतको उपस्थिति रहेको थियो ।
January 21, 2025
काठमाडौं (हाम्रो खेलकुद)- भारतमा सम्पन्न खो खो विश्व कपमा ऐतिहासिक रजत पदक जितेको नेपाली महिला र पुरुष टोली स्वदेश फर्केको छ। त्रिभुवन अन्तर्राष्ट्रिय विमानस्थलमा सोमवार नेपाली टिमलाई बाजा गाजा सहित भव्य स्वागत गरियो। युवा तथा खेलकुद मन्त्रालयका सचिव हरि प्रसाद लम्साल, राष्ट्रिय खेलकुद परिषद (राखेप) का उपाध्यक्ष ध्रुव आचार्य, सदस्य सचिव टंकलाल घिसिङ, परिषदका सदस्य, […]
January 19, 2025
काठमाडौं (हाम्रो खेलकुद)- नेपाली पुरुष टोली पनि भारतमा भएको खो खो विश्व कपमा दोस्रो भएको छ । दिल्लीस्थित इन्दिरा गान्धी रंगशालामा आइतवार आयोजक भारतसँग ५४-३६ ले पराजित हुँदै नेपाल उप विजेता बनेको हो । समूह चरणमा पनि नेपाल भारतसँग नै पराजित भएको थियो। नेपालले सेमिफाइनलमा शनिवार इरानलाई ७२-२० ले हराउँदै अन्तिम दुईको यात्रा तय गरेको […]
January 19, 2025
काठमाडौं (हाम्रो खेलकुद) – खो खो विश्वकपको महिलातर्फको फाइनलमा नेपाल घरेलु टोली भारतसँग फराकिलो अन्तरले पराजित हुँदै उपविजेतामा सिमित भएको छ । नेपाल फाइनलमा ७८-४० अन्तरले पराजित भएको हो । दिल्लीस्थित इन्दिरा गान्धी इन्डोर हलमा घरेलु टोलीले पहिलो टर्नदेखि नै दबाब कायम गरेको थियो । पहिलो टर्नमा आक्रमण गर्दै ३२ अंक जोडेको भारतले दोस्रो टर्नमा […]
