काठमाडौं (हाम्रो खेलकुद) – नेपाली महिला भलिबलको सबैभन्दा चर्चित ढोरपाटन महिला डबल लिग भलिबल प्रतियोगिताको पुरस्कार राशिमा वृद्धि भएको छ । यससँगै आगामी माघमा हुने १५औं संस्करणको विजेताले ४ लाख ५ हजार रुपैयाँ हात पार्ने र सबैमा पुरस्कार राशिमा वृद्धि गरिएको आयोजक ढोरपाटन स्पोर्टस् क्लबका अध्यक्ष मनवीर छन्त्यालले हाम्रो खेलुकदलाई जानकारी गराए ।

गतवर्ष विजेताले ३ लाख ५० हजार रुपैया जितेको थियो । दोस्रो हुने टोलीले २ लाख ५ हजार, तेस्रोले १ लाख ५ हजार, चौथोले ७५ हजार, पाँचौले ५५ हजार, छैटौले ४५ हजार र सातौले ३५ हजार रुपैया हात पार्नेछ । यसपटक ४ स्कुटी र २ थान मोटरसाइकल वितरण गरिने बताइएको छ ।

भाग्यमानी दर्शकले २ लाख रुपैया बराबरको एक थान मोटरसाइकल पाउनेछ । ग्रेट अचिमेन्ट अवार्डबाट एक खेलाडीले ४ लाख रुपैया बराबरको मोटरसाइकल हात पार्नेछ । उदियामान खेलाडी, वर्ष खेलाडी, प्लेयर अफ दि इयर सिरिज र उत्कृष्ट खेलाडीले समान १ थान स्कुटी हात पार्नेछन् ।

यस्तै आयोजकले तीन विदेशी खेलाडी ल्याउने टोलीलाई १ लाख २० हजार भत्ता दिने बताएको छ । व्यक्तिगत विधातर्फको विजेताले जनही ७ हजार रुपैयाँ हात पार्नेछन् । माघमा हुने भनिएपनि मिति र सहभागी हुने टोलीको टुङ्गो लागेको छैन ।

१४औं संस्करण सकिदा एपीएफले सर्वाधिक ६ पटक उपाधि जितेको छ । पाँच पटकपोखराको ज्ञानुबाबाले जितेको छ । समान एक पटक नेपाल पुलिस क्लब र रिड मोडलले जितेको छ । पहिलो संस्करण पुरुषको आयोजना हुदा आर्मी च्याम्पियन बनेको थियो ।