काठमाडौं (हाम्रो खेलकुद) – राष्ट्रिय खेलकुद परिषद् (राखेप) को आयोजना हुने प्रधानमन्त्री कप चौथो अन्तर विश्वविद्यालय राष्ट्रिय खेलकुद प्रतियोगिताको सबै तयारी पुरा भएको जनाएको छ ।

प्रतियोगिताको ब्यवस्थापनको जिम्मेवारी पाएको राष्ट्रिय विश्वविद्यालय खेलकुद संघले मंगलबार पत्रकार सम्मेलनमा गर्दै असोज ९ गते देखि ११ गते सम्म चल्ने प्रतियोगितामा फुटबल, भलिबल,दौड,बास्केटबल,टेबल टेनिस,चेस र ब्याडमिन्टनमा प्रतिस्पर्धा हुने जनाएको छ ।

९ विश्व विद्यालयको सहभागिता रहने प्रतियोगितामा ७६ स्वर्ण ,७६ रजत र ७६ गरित कुल २ सय २८ पदकको लागि प्रतिस्पर्धा हुने बताएको छ । प्रतियोगितामा ६ सय १२ खेलाडीले प्रतिस्पर्धा गर्नेछन् ।

सहभागि विश्व विद्यालयमा त्रिभुवन, मध्यमपश्चिमाञ्चल ,सुदूरपश्चिम, पोखरा विश्वविद्यालय,पुर्वाञ्चल,नेपाल सस्कृत ,लुम्बिनी बौद्ध ,कृषि तथा बन विज्ञान र काठमाडौं छन् ।

झन्डै १ करोड २६ लाख रुपैयाँ खर्च हुने अनुमान गरिएको प्रतियोगिताका लागि राखेपले ३५ लाख रुपैयाँ सहयोग उपलब्ध गराउने उल्लेख गर्दै विश्व विद्यालय खेलकुद संघका अध्यक्ष अनिलकुमार रिजालले बाँकी रहम प्रायोजकबाट संकलन गरिने बताए । नेकपाको खेलकुद विभागका उप प्रमुख ठाकुर गैरेले प्रतियोगिताले राष्ट्रिय खेलाडी उत्पादनमा सहयोग पुग्ने विश्वास लिएको बताए ।