काठमाडौं (हाम्रो खेलकुद) –स्वदेशमा आयोजना हुने १३औं दक्षिण एसियाली खेलकुद (साग) का लागि बक्सिङबाट सोमबार आठ खेलाडी छनोट भएका छन् । लगनखेलस्थित नेपाल आर्मीको शारीरिक तालिम तथा प्रशिक्षण केन्द्रमा सोमबार सम्पन्न प्रतिस्पर्धाबाट पुरुषतर्फ ५ र महिलामा तीन खेलाडी छनोट भएका हुन् ।

महिला ४८ केजीको फाईनल खेलमा आर्मीकी लालिता महर्जनले पुलिसकी दिवाना शेर्मालाई अंकका आधारमा ५–० ले पराजित गरिन् । महिला ५१ केजीमा एपीएफकी माला राईले प्रदेश ३ की रोशनी राईलाई अंकका आधारमा ५–० ले हराउदै छनोट भईन् । महिलाकै ६० केजी एपीएफकी संगिता सुनुवार छनोट भएकी छन् । संगिताले आर्मीकी सविना श्रेष्ठलाई अंकका आधारमा ५–० ले पराजित गरिन् ।

यस्तै पुरुष तर्फ ५२ केजीमा आर्मीका तेज वहादुर देउवाले पुिलसका चन्द्र बहादुर थापालाई अंकका आधारमा ५–० ले पराजित गर्दै छनोट भए । पुरुष ६० केजी तौल समुहमा आर्मीका विमल रोकाले खेल परित्याग ९वाकओभर०गरेपछि प्रदेश ३ का सनिल शाही छनोट भएका छन् । पुरुष ६४ केजीमा पुलिसका भुपेन्द« थापाले आर्मीका सुरेश नेपालीलाई अंकका आधारमा ४–१ ले हराउदै छनोट भए ।

पुरुष ९१ केजीमा आर्मीका अर्जुन सिंगुले एपीएफका गोकुल गुरुङलाई अंकका अधारमा ४–१ ले हराउदै छनोट भए । पुरुषकै ९१ केजी भन्दा माथीको तौल समुहमा आर्मीका आशिष दवाडी छनोट भए । प्रदेश ३ का सनी जुवा तेश्रो राउण्डमा घाईते भएपछि दवाडी छनोट भएका हुन् । मंगलवार छनोटको अन्तिम खेल हुनेछ ।