काठमाडौं (हाम्रो खेलकुद) – संघिय संसादको शिक्षा, स्वास्थ्य र युवा खेलकुद समितिले आफ्ना सदस्य जीवनराम श्रेष्ठलाई नेपाल ओलम्पिक कमिटी (एनओसी) को अध्यक्ष दोस्रो पटक निर्वाचित भएको बधाई दिएको छ ।

समितीकी सफलता जयपुरी घर्तीले समितिको कार्यालय सिंहदरबारमा संघिय सांसद श्रेष्ठलाई बधाई तथा कार्यकालको सफलताको कामना गरिन् । शनिबार भएको एनओसीको निर्वाचनमा उमेशलाल श्रेष्ठलाई हराउँदै श्रेष्ठ पुनः अध्यक्षमा निर्वाचित भएका थिए । स्की संघका अध्यक्ष समेत रहेका श्रेष्ठ त्यसअघि दुई कार्यकाल एनओसीको महासचिव रहेका थिए ।

यसपटक १९ कार्यसमितिका लागि शनिबार निर्वाचन भएको थियो । कोषाध्यक्षमा भारोत्तोलनका रतन तण्डन र उप महासचिवमा एथलेटिक्सका प्रतिनिधि पिताम्बर तिम्सिना बाहेक सबै पदमा निर्वाचन भएको थियो ।

५ उपाध्यक्षमा लन टेनिसकी ज्योति राणा, ह्यान्डबलका तेज गुरुङ, टेबुलटेनिसका चतुरानन्द राजवैद्य, फेन्सिङका सुनिल श्रेष्ठ र पौडीका अशोक बज्राचार्य विजयी भएका थिए । महासचिवमा ट्रायथोलनका निलेन्द्र राज श्रेष्ठ ३ सचिवमा कबड्डी तुल्सी थापा, जुडो दीपकहर्ष बज्राचार्य र ब्याडमिन्टनका रामजीबहादुर श्रेष्ठ निर्वाचित भए ।

त्यस्तै ७ सदस्यमा रमेशप्रसाद शिवाकोटी, बक्सिङका राम अवाले, तेक्वान्दोका प्रकाश शम्सेर राणा, साइक्लिङका गोपालसुन्दरलाल कक्षपति, गल्फका तासी घले, बास्केबलका होम दोङ र फुटबलका दीर्घबहादुर (कुमार) केसी विजयी भए ।