6 years ago
September 1, 2019
पोखरा (हाम्रो खेलकुद)- होङ्ग्वान्जी न्यु डायमन्ड एकेडेमी काठमाडौं र विभागीय नेपाल पुलिस क्लब पोखराको लामाचौरमा तीजको अवसरमा आयोजित राष्ट्रिय महिला भलिबल प्रतियोगिताको फाइनलमा प्रवेश गरेका छन् ।
लामाचौरस्थित इन्द्र राज्यलक्ष्मी माध्यमिक विद्यालयको खेल प्राङ्गणमा आइतबार भएको खेलमा न्यु डायमन्डले सेमिफाइनलमा गण्डकी प्रदेशलाई तथा पुलिसले श्रीगाँउ खेलकुद बिकास समिति दाङलाई समनन ३–० को सोझो सेटमा पराजित गर्दै उपाधि भिडन्त पक्का गरेको हो ।
आइतबारै यि दुई टोलीले समूह चरणमा प्रतिस्पर्धा गरेको थियो । जसमा पुलिस ३–२ ले विजयी भएको थियो । लामाचौरस्थित इन्द्र राज्यलक्ष्मी माध्यमिक विद्यालयको खेल मैदानमा आइतबार भएको पहिलो सेमिफाइनलमा डायमन्डले गण्डकीमाथि ३–० को जित निकाल्दै लगातार सातौपटक फाइनलमा पुग्न सफल भएको हो । तीज भलिबलको सर्वाधिक उपाधि (चारपटक) को च्याम्पियन डायमन्डले २०७० बाट लगातार फाइनलमा पुगेको हो ।
पहिलो सेटमा डायमन्डले गण्डकीमाथि २५–१८ को सहज जित निकाल्यो । त्यसपछि दोस्रो र तेस्रो सेटमा डायमन्ड २५–२० र २५–१९ ले विजयी हुन सफल भयो । तेस्रो सेटमा एक समय ८–१ को अवस्था रहँदा गण्डकीले उत्कृष्ट पुनरागमन गरेपनि जित हात पार्न सकेन ।
अर्काे सेमिफाइनलमा पुलिसले श्रीगाँउ खेलकुद बिकास समिति दाङमाथि ३–० को सोझो सेटमा जित हात पार्दै प्रतियोगितामा पहिलोपटक फाइनलमा पुग्न सफल भयो । एकपक्षीय खेलमा पुलिस २५–११, २५–७ र २५–६ ले विजयी हुन सफल भयो ।
तेस्रो स्थानको लागि गण्डकी प्रदेश र श्रीगाँय खेलकुद बिकास समिति दाङबीच प्रतिस्पर्धा हुने भएको छ । यि दुई टोलीले पनि समूह चरणमा प्रतिस्पर्धा गरेका थिए । जसमा गण्डकी ३–१ ले विजयी भएको थियो । प्रतियोगिताको फाइनल १ बजे हुने आयोजकले जनाएको छ ।
आइतबार समुह चरणका गण्डकीले श्री गाउँ खेलकुद विकास समिति दाङमाथि ३–१ को सेटमा पराजित गर्दै समूह विजेता बनेको थियो । रोचक खेलमा गण्डकीले २५–२१, २३–२५, २५–१७ र २५–१९ को जित निकालेको थियो ।
अर्काे समुहको खेलमा पुलिसले डायमन्डमाथि ३–२ को कठिन जित निकाल्यो । समुहकै खेलमा पुलिसले चितवन टाइगर्समाथि २५–२०, २५–१८ र २५–१२ को जित निकाल्दै समूह विजेता बन्यो ।
२३औं लामाचौर तीज महोत्सव २०७६ अवसरमा नवआदर्श सामुदायिक विकास समाजको आयोजनामा लामाचौरमा तीज अवसरमा राष्ट्रिय महिला भलिबल प्रतियोगितामा ६ टोलीको सहभागिता छ । सहभागी टोलीलाई दुई समूहमा विभाजन गरिएको छ ।
लिग कम नकआउटका आधारमा हुने प्रतियोगिताको शीर्ष दुई टोलीले सेमिफाइनलमा स्थान बनाउनेछ । प्रतियोगिताको विजेताले १ लाख, उपविजेतालाई ६५ हजार र तेश्रोेलाई २५ हजार साथमा शील्ड, मेडल र प्रमाणपत्र वितरण गरिने आयोजकले जनाएको छ ।
उत्कृष्ट खेलाडीलाई आकर्षक गिफ्ट ह्याम्पर प्रदान गरिने भएको छ । प्रतियोगिताको आठौं संस्करण जारी रहँदा डायमन्ड ४ पटक तथा विभागीय नेपाल एपीएफ क्लब ३ पटक च्याम्पियन बनेको छ ।
March 10, 2025
काठमाडौं (हाम्रो खेलकुद)- मञ्जुश्री ट्रेल रेस (एमटिआर) को पाँचौँ संस्करण यसै साता सुरु हुने भएको छ। आयोजकका अनुसार चैत १ देखि ३ गते (मार्च १४ देखि १६) सम्म हुने प्रतियोगितामा ५ सयभन्दा बढी धावकधाविका दौडने छन् । मञ्जुश्री ट्रेस रेसमा ३ सय ७१ नेपाली र १ सय ३१ विदेशी गरी कुल ५ सय २ जनाको […]
March 9, 2025
हिमाल खरेल,भद्रपुर झापा जिल्लास्तरीय १५ औँ राष्ट्रपति रनिङ शिल्ड प्रतियोगिताको उपाधि अर्जुनधारा नगरपालिकाले जितेको छ । योसँगै अर्जुनधारा नगरपालिका लगातार तेस्रो पटक च्याम्पियन बनेको छ । उसले रनिङ शिल्डमाथि कब्जा जमाएको छ । आज मेची रंगशाला भद्रपुरमा सम्पन्न सबै छवटा विधाका खेलमा अर्जुनधारा १५ स्वर्ण, १२ रजत र १२ कास्य पदकसहित प्रथम भएको आयोजक झापा […]
March 9, 2025
नेपालगन्ज (हाम्रो खेलकुद)- जिल्लामा पहिलोपटक आयोजना गरिएको बाँके एमटिबी रेस २०२५ काे मुख्य उपाधि जंगु थारु र रुपा थारुले जितेका छन् । ५ किलोमिटर दुरीकाे क्रसकन्ट्री रेसमा इलाइट पुरुषतर्फ जंगुले ५२ मिनेट ५८ सेकेन्डमा निर्धारित दूरी पूरा गर्दै विजयी भए । विशाल थारु (५७:५६ मिनेट) दाेस्राे र बिमलेस यादव(५७:५८ मिनेट) तेस्रो भए । त्यसैगरी इलाइट […]