काठमाडौं (हाम्रो खेलकुद )-एपिएफले प्रथम वीर गणेशमान सिंह स्मृती महिला तथा पुरुष राष्ट्रिय खुला ह्याण्डबल प्रतियोगिता – २०७३ को पहिलो दिन बिहिबार दोहोरो जित हात पारेको छ ।

ह्यान्डबलमा प्रतिस्पर्धा गर्दै खेलाडी ।

कपन आकाशेधारास्थित ह्याण्डबल मैदानमा भएको प्रतियोगितामा एपिएफको पुरुष टिमले आयोजक सदावहार खेलकुद समाज टिमलाई २९–१४ गोल अन्तरले पराजित ग¥यो । यसै गरि महिला तर्फ पनि एपिएफले मध्यमाञ्चललाई ३९–३ को विशाल गोल अन्तरले पराजित गर्न सफल भयो ।
पूर्व उप–प्रधानमन्त्री नेपाली कांग्रेसका पुर्व महामन्त्री एवम् केन्द्रिय सदस्य तथा विर गणेशमान सिंह फाउण्डेसनका अध्यक्ष माननिय प्रकाशमान सिंहको प्रमुख आतिथ्यमा भएको प्रतियोगिताको बिहिबारनै भएको अर्को खेलमा पश्चिमाञ्चलको हिमालय क्लब बाटुलेचौरले नेपाली सेनाको टिमलाई २७–२४को प्रतिस्पर्धात्मक अन्तरले पराजित ग¥यो ।
प्रतियोगिताका दौरान ह्याण्डबलको विकास र विस्तारमा निरन्तर लागि परेका व्यक्तित्व द्वय ह्याण्डबल संघका पूर्व महासचिव, खेलाडी एवं प्रशिक्षक विश्व बम मल्ल र कोषाध्यक्ष मिठाराम अधिकारीलाई कदर पत्रद्वारा सम्मान गरिएको थियो ।
चार दिन सम्म संचालन हुने प्रतियोगितामा पुरुष तर्फ नेपाली सेना, सशस्त्र प्रहरी बल, पश्चिमाञ्चल, मध्यमाञ्चल, आयोजक सदावहार खेलकुद समाज र बुढानिलकण्ठ नगर ह्याण्डबल टिम गरि ६ तथा महिला तर्फ नेपाली सेना, सशस्त्र प्रहरी बल, मध्यमाञ्चल ए र बि गरि ४ टिमको सहभागिता रहेकोछ ।

ह्यान्डबलमा प्रतिस्पर्धा गर्दै खेलाडी ।

प्रतियोगिता उद्घाटन कार्यक्रममा माननिय सांसद एवं नेपाली काँग्रेशका केन्द्रिय सदस्य गगन थापा, ने.का. काठमाण्डौ ४ का क्षेत्रिय सभापति राजु श्रेष्ठ, नेपाल ह्याण्डबल संघका अध्यक्ष तेज गुरुङ, अखिल नेपाल फुटबल संघ एन्फा उपाध्यक्ष कर्मा छिरीङ शेर्पा, नेपाल लोकतान्त्रिक खेलकुद संघका अध्यक्ष देवेन्द्र कुमार शेरचनका साथै विभिन्न राजनितिक दलका प्रतिनिधि, नगर प्रतिनिधिहरुको उपस्थिति रहेको थियो ।