default_image

6 years ago

August 21, 2019

तुर्केमिनिस्तान सेमिफाइनलमा, बंगलादेश बाहिरियो

85 views

0 Bookmark

काठमाडौं (हाम्रो खेलकुद) – तुर्केमिनिस्तान समूह ‘बी’को उपविजेताका रुपमा एभिसी एसियन सेन्ट्रल जोन भलिबल च्याम्पियनसिपको सेमिफाइनलमा पुगेको छ ।

समूह चरणको अन्तिम खेलमा बुधबार बंगलादेशलाई ३–१ ले हराउँदै तुर्केमिनिस्तान अन्तिम चारमा पुगेको छ । तेस्रो सेट रोमाञ्चक बनेको खेलमा तेर्केमिनिस्तानले २५–२२, २५–१६,२७–२९ र २५– १६ ले आफ्नो पक्षमा पारेको थियो । बंगलादेश समूह चरणबा सबै तीन खेल हार्दै प्रतियोगिताबाट बाहिरिएको छ ।

तेस्रो सेट रोमाञ्चक मोडमा पुगेका बेला कभर्ड हलको बत्ति निभेपछि भने झन्डै २० मिनेट खेल अबरुद्ध भएको थियो । बत्ति निभ्दा बंगलादेश २६–२५ ले अगाडि थियो । त्यहिबाट पुनः खेल सुरु हुँदा त्यो सेट बंगलादेशले जितेको थियो ।

साविक विजेता समेत रहेको तुर्केमिनिस्तान मंगलबार उज्वेकिस्तानसँग भने पराजित भएको थियो । बुधबार नै भएको खेलमा अफगानिस्तानलाई हराउँदै उज्वेकिस्तान शतप्रतिशत जितसहित समूह बीको विजेता बनेको थियो । त्यो हारसँगै अफगानिस्तान प्रतियोगिताबाट बाहिरिएको थियो ।

अब सेमिफाइनलमा समूह ‘ए’को विजेता कीर्गिस्तानले तुर्किमिनिस्तानसँग प्रतिस्पर्धा गर्नेछ । उज्वेकिस्तानले भने समूह ‘ए’को उपविजेता माल्दिभ्ससँग खेल्ने छ । माल्दिभ्सले आजै भएको खेलमा नेपाललाई ३–० को सोझो सेटमा हराउँदै अन्तिम चारको यात्रा तय गरेको थियो ।

नेपालले भने च्याम्पियनसिपमा समूह चरणका दुवै खेल गुमाएको छ । च्याम्पियनसिपको समूह चरणबाट बाहिरिने नेपाल पहिलो टोली बनेको थियो । अब नेपालले शुक्रबार च्याम्पियनसिपको पाँचौं वरियताका लागि प्रतिस्पर्धा गर्नेछ ।

बिहीबारको सेमिफाइनल
पहिलो कीर्गिस्तानविरुद्ध तुर्केमिनिस्तान (दिउँसो २ः३० बजे)
दोस्रो उज्वेकिस्तानविरुद्ध माल्दिभ्स (दिउँसो ४ः३० बजे)

March 10, 2025

मञ्जुश्री ट्रेल रेस यसै साता

काठमाडौं (हाम्रो खेलकुद)- मञ्जुश्री ट्रेल रेस (एमटिआर) को पाँचौँ संस्करण यसै साता सुरु हुने भएको छ। आयोजकका अनुसार चैत १ देखि ३ गते (मार्च १४ देखि १६) सम्म हुने प्रतियोगितामा ५ सयभन्दा बढी धावकधाविका दौडने छन् । मञ्जुश्री ट्रेस रेसमा ३ सय ७१ नेपाली र १ सय ३१ विदेशी गरी कुल ५ सय २ जनाको […]

March 9, 2025

अर्जुनधाराद्वारा झापा राष्ट्रपति रनिङ शिल्ड कब्जा

हिमाल खरेल,भद्रपुर झापा जिल्लास्तरीय १५ औँ राष्ट्रपति रनिङ शिल्ड प्रतियोगिताको उपाधि अर्जुनधारा नगरपालिकाले जितेको छ । योसँगै अर्जुनधारा नगरपालिका लगातार तेस्रो पटक च्याम्पियन बनेको छ । उसले रनिङ शिल्डमाथि कब्जा जमाएको छ । आज मेची रंगशाला भद्रपुरमा सम्पन्न सबै छवटा विधाका खेलमा अर्जुनधारा १५ स्वर्ण, १२ रजत र १२ कास्य पदकसहित प्रथम भएको आयोजक झापा […]

March 9, 2025

जंगु र रुपालाई बाँके एमटिबी रेस उपाधि

नेपालगन्ज (हाम्रो खेलकुद)- जिल्लामा पहिलोपटक आयोजना गरिएको बाँके एमटिबी रेस २०२५ काे मुख्य उपाधि जंगु थारु र रुपा थारुले जितेका छन् । ५ किलोमिटर दुरीकाे क्रसकन्ट्री रेसमा इलाइट पुरुषतर्फ जंगुले ५२ मिनेट ५८ सेकेन्डमा निर्धारित दूरी पूरा गर्दै विजयी भए । विशाल थारु (५७:५६ मिनेट) दाेस्राे र बिमलेस यादव(५७:५८ मिनेट) तेस्रो भए । त्यसैगरी इलाइट […]

Success

Thank you for your time.