काठमाडौं (हाम्रो खेलकुद)– एभिसी एसियन सेन्ट्रल जोन सिनियर पुरुष भलिबल च्याम्पियनसिपको को दोस्रो दिन समूह ‘बी’मा अफगानिस्तानले पहिलो जित दर्ता अघिल्लो चरण पुग्ने सम्भावनालाई जीवित राखेकोे छ । अफगानिस्तानले बंगलादेशलाई ३–२ ले हराउँदै दोस्रो खेलमा पहिलो जित हासिल गरेको हो ।

लगनखेलस्थित नेपाली सेनाको कर्भड हलमा मंगलबार अफगानिस्तानले बंगलादेशलाई २५–२१ १९ –२५,१८–२५,२५–२२ र १५–१२ ले आफनो पक्षमा पारेको थियो । पहिलो दिन दुवै टोलीले हारबाट च्याम्पियनसिपको सुरुवात गरेका थिए । त्यसअर्थमा दुवै टोलीलाई अघिल्लो चरण पुग्नका लागि आजको खेल जित्नै पर्ने बाध्यता थियो ।

पहिलो दिन सोमबार बंगलादेश उज्वेकिस्तानसँग पराजित भएको थियो । त्यो खेलमा उज्वेकिस्तान २५–१६,२५–१६ र २५–२३ ले विजयी भएको थियो । त्यसअघि समूह ‘बी’कै अर्को खेलमा अफगानिस्तान तुर्किमिनिस्तानसँग ३–१ ले पराजित भएको थियो । त्यो खेल तुर्किमिनिस्तानले ३२–३०,१६–२५,२७–२५ र २६–२४ ले जितेको थियो ।

च्याम्पियनसिपकै अर्को खेलमा अब एक एक खेल जितिसकेका तुर्किमिनिस्तान र उज्वेकिस्तानबीच प्रतिस्पर्धा हुनेछ । आजै नेपाल रहेको समूहमा मादिभ्स र कीर्गिस्तानबीच खेल हुनेछ ।