काठमाडौं (हाम्रो खेलकुद) –एभीसी एसियन सिनियर मेन्स सेन्ट्रल जोन भलिबल प्रतियोगिताको तयारीमा रहेका नेपाल र अफगानिस्तानको राष्ट्रिय भलिबल टोलीबीच अर्को साता दुईवटा मैत्रीपूर्ण खेल हुने निश्चित भएको छ ।

नेपाली टोलीको १४ खेलाडीको अन्तिम छनोट भएको भोली पल्ट शुक्रबार नेपाल भलिबल संघले अफगानिस्तानसँग साउनको २९ र ३० गते दुई खेल हुने जनाएको छ । सेन्ट्रल जोनमा सहभागी हुने अफगानिस्तान केहि दिन अघि नै नेपाल आइपुग्दैछ । यसै महिना नेपाली र भारतीय भलिबल टोलीसँग मैत्रीपूर्ण खेल तय भएर पनि पछि रद्द भएको थियो ।

यसपटक ३ नयाँ खेलाडी समावेश गर्दै नेपाली टोलीको घोषणा भइसकेको छ । नेपाल भलिबल संघको आयोजनमा भदौ २ देखि ७ गतेसम्म सेन्ट्रल जोन भलिबल प्रतियोगिता हुँदैछ । लगनखेलस्थित आर्मीको कभर्ड हलमा आयोजना हुने प्रतियोगितामा नेपालसहित ७ राष्ट्रले प्रतिस्पर्धा गर्दैछन् । आयोजक नेपालसँगै साविक विजेता तुर्कमेनिस्तान, उज्बेकिस्तान, अफगानिस्तान, माल्दिभ्स, किर्गिस्तान र बंगलादेशले यस प्रतियोगितामा प्रतिस्पर्धा गर्नेछन् ।

एभीसी एसियन मेन्स सिनियर सेन्ट्रल जोन प्रतियोगिताको सम्पूर्ण खेल हाम्रो खेलकुद डट कमको युट्युबमा प्रत्यक्ष प्रसारण हुनेछ । आजै हाम्रो खेलकुद डट कमको युट्युब च्यानल सब्सक्राइब गर्नुहोला ।

नेपाली भलिबल टोली

धनबहादुर भट्ट क्षेत्री (आर्मी)
विशाल विक (पुलिस) 
कुलबहादुर थापा (पुलिस)
राजेन्द्र विष्ट (आर्मी)
टेकराज अवस्थी (एपीएफ)
हरिबहादुर अधिकारी (आर्मी)
दुर्गा खड्का (आर्मी)
दिपक राज जोशी (पुलिस) 
नरेन्द्र गिरि (आर्मी)
राजकुमार निरौला (एपीएफ)
ईमबहादुर मगर (कप्तान) (पुलिस) 
हरिहजुर थापा (आर्मी)
विनोद बहादुर चन्द (एपीएफ)
इश्वर थापा मगर (आर्मी)