दिवाना र रोशनी दोस्रो चरणका लागि छनोट

काठमाडौं (हाम्रो खेलकुद) – नेपाल प्रहरीकी दिवाना शेर्मा र रोशनी राई नेपालमा मंसिरमा आयोजना हुने १३ औं दक्षिण एसियाली खेलकुद (साग) का लागि दोश्रो चरणको प्रशिक्षणका लागि छनोट भएका छन् ।

नेपाल बक्सिङले मंगलबार खेलाडी छनोट प्रतियोगिता आयोजना गरेको थियो । लगनखेलस्थित आर्मी शारीरिक तालिम तथा प्रशिक्षण केन्द्रमा महिलाको दुई स्पर्धाका लागि छनोट भएको थियो । ४८ केजीमा प्रहरीकी दिवानाले प्रदेश १ की प्रतिमा श्रेष्ठ बाट वाक ओभर पाउदै छनोट भइन् ।

५१ केजीमा प्रदेश ३ की रोशनीले प्रदेश १ की रोशनी लावतीलाई अंक आधारमा पराजित गर्दै छनोट भइन् । यो दुई तौलसमूहमा पहिलो भएका खेलाडी स्वास्थ्य र कम उमेरका कारण प्रशिक्षणमा सहभागी हुन नपाएपछि छनोट आयोजना गरिएको बक्सिङ संघले जनाएको छ ।