पाकिस्तानी खेलाडीलाई पराजित गर्दै सुशिल क्वाटरफाइलमा

काठमाडौं (हाम्रो खेलकुद)- पाकिस्तानी खेलाडी इर्दलाई पराजित गर्दै नेपालका सुशिल थापा थाइल्याण्डमा जारी खुला अन्तर्राष्ट्रिय बक्सिङ प्रतियोगिता क्वाटरफाइनलमा प्रवेश गरेका छन् ।

सुशिलले ४९ केजी लाईट फ्लाइट तौलमा पाकिस्तानी मुक्केवाज इर्द उल्लाइलाई दोश्रो राउन्डको दोश्रो मिनेटमा आरएससी (रेफ्रस् स्टप कन्टेस्ट) को आधारमा हराउदै क्वाटरफाइनलमा स्थान बनाएका हुन् ।

सुशिलले दोश्रो राउण्डको पहिलो मिनेटमा उल्लाहलाई ढालेपछि काउण्टमा परेका थिए । लगातार उत्कृष्ट मुक्का प्रहार गरेका शुसिलले उल्लाइलाई एकै राउण्टमा तीनपटक काउण्टको धरापमा पारेका थिए ।

अन्तर्राष्ट्रिय बक्सिङ संघको नियम अनुसार एउटै राउण्टमा तीनपटक काउण्ट पाएपछि खेलाडीले धेरै मार खानु नपरोस भनि रेफ्रीले खेल रोक्दै बिपक्षलाई बिजयी गराउने नियम छ । नेपालमा हुने १३औं सागको तयारीका लागि नेपाल बक्सिङ संघले बिगत २ हप्ता देखि ७ महिला र १० पुरुषलाई थाइल्याण्डमा बैदेशिक प्रशिक्षणमा राखेका छन् ।